جوتیارەکێ قەزا شێخان شێوازێ چاندنێ گوھۆرت بوو چاندنا نێرگزا
ئەڤرۆ نیوز، بارزان مزووری:
خوشەڤی رەمەزان ئێک ژ جوتیارێن گوندێ سەرکاف بۆ ئەڤرۆ نیوز گوت: (سالانە ھەموو جورێن بەرھەمی دچینین دناڤ بازاری دا بھایێ خوە نینە ژ بەر ھاتنا بەرھەمێ بیانی سالا بوری من ھزر ژ چاندنا نێرگزا کر کو عەردێ خوە پشکەکێ بکەمە نێرگز ل ئاکرێ و دەڤەرێن نێرگز لێ ھەین دگەریام ٥ ھزار بنێت وان دەست من کەفتن سالا بوری من چاندن ئەڤ سال کەفتینە بەرھەمی).
ناڤھاتی هەروەسا دیار کر ھەموو ژ وان نێرگزێن چیایی نە دناڤ بازاری دا بھایێ خوە یێ ھەی ھەر ئێک دەستێ وان ٧ بنا تایێن نێرگزا پێک دفروتن ب ١٥٠٠ دینارا ب جملە ئەو کەسێن مە دکرین ب ٥ ھزارا دفروتن بھایێ خوە ھەبوو تایبەت دناڤ کولیژ و پەیمانگەھان دا ئەو کەسێن مە دانە وان ل وان جھا دفروتن.
گوت ژی من د پلان دایە کو ئەڤ سالە پشکەک دی یا عەردی ژ نێرگزا بچینم ژ بەر کو نێرگز ژ دەرڤە ناھێن خەلک ل کوردستانێ بەتە دەرڤە لەوما دناڤ بازاری بھایێ خوە یێ ھەی.
