جوتیار عه‌لی: رژدین نوونه‌رێن سه‌ركه‌فتی بین بۆ پارێزگه‌هێ
ئه‌ڤرۆ، عه‌لی حاجی:
چاڤه‌ڕێ یه ئه‌ڤرۆ تیما باسكێت بۆلا یانا زاخۆ ل سه‌ر ئاستێ لاوان پێنگاڤا خوه یا ئێكێ به‌ره ب ناسناڤێ قاره‌مانیا ئیراقێ پاڤێژیت ده‌مێ هه‌مبه‌ری یانا ده‌ربه‌ندیخان دبیت ژ چارچووڤێ كۆما دویێ ئه‌وا ب پشكداریا ده‌ه یانا هاتینه به‌لاڤكرن ل سه‌ر دو كۆمان هه‌ڤڕكیێن كۆما دویێ ل باژێرێ كه‌ركووكێ و یێن كۆما ئێكێ ل باژێرێ بابل دهێنه كرن كو دو تیم بۆ هه‌ر كۆمه‌كێ ده‌ربازبنه چارگۆشا زێرین ژبۆ ئێكلاكرنا ناسناڤێ وه‌رزێ نوو.
لدور دووماهی به‌رهه‌ڤی و ئارمانجێن نوونه‌را پارێزگه‌هێ جوتیار عه‌لی راهێنه‌رێ ده‌ستنیشانكری یێ تیما لاوێن زاخۆ بۆ رۆژناما ئه‌ڤرۆ گوت: هه‌رچه‌نده چو پێزانین ل سه‌ر ئاستێ تیمێن پشكدار نینن و هه‌روه‌سان ژبه‌ركو راهێنه‌رێ تیمێ ژ ئه‌گه‌رێ تووشبۆنا وی ب كۆرۆنایێ نه‌شیایه ل گه‌ل شاندێ تیمێ گه‌شتێ بكه‌ت، لێ من پێزانین باش ل سه‌ر تیما لاوان هه‌نه ژبه‌ركو ده‌مه‌كی دا من راهێنان پێكرینه و باوه‌ری ب راهێنه‌رێ وان ژ هه‌بوویه كو ئاستێ وان بلندكریه، له‌ورا گه‌شبینم لاوێن زاخۆ باشترین شێوه‌ێ دێ نوونه‌راتیا پارێزگه‌هێ د قاره‌مانیا ئیراقێ دا كه‌ن و هیڤیێن مه‌زن هه‌نه بۆ ب ده‌ستڤه‌ئینانا ناسناڤی.
