جوت سایدكرنا رێیان، روودان كێمكرینه
ئه‌ڤرۆ نیوز ، بارزان سلێمان مزوورى
به‌رپرسێ پشكا هاتنوچونا قه‌زا شێخان ، پێشه‌نگ به‌درخان محه‌مه‌د سه‌لیم، بۆ ئه‌ڤرۆ نیوز دیار كر كۆ د ماوێ 12 هه‌یڤێن بوریدا ل پشكا هاتنوچونا شێخان 87 رویدانێن جورا و جور رویداینه و د ڤان رویدانان دا 156 كه‌س برینداربوینه، 113 ژ وان زه‌لامن و 43 ژ وان ئافره‌تن و 19 كه‌س مرینه .
ناڤبرى زێده‌تر گوت: 157 شوفێر بو دادگه‌هێ هاتینه ره‌وانه‌كرن ، 211 ترومبێل هاتینه ده‌سته‌سه‌ركرن ،6591 موله‌تێن هاژوتنێ هاتینه ده‌سته‌سه‌ركرن ، 1399 سالنامێن ترومبێلا هاتینه ده‌سته‌سه‌ركرن ،
ناڤبرى دیار كر كو به‌راورد دگه‌ل سالێن بورى رویدان دگه‌ل سالێن بورى كێم بوینه كو ئه‌گه‌ر ژى دزڤریت بۆ وێ چه‌ندێ كو گه‌له‌ك رێك هاتینه جوت ساید كرن و كامێرێن چاڤدێریێ ل سه‌ر رێكێن سه‌ره‌كى هاتینه دانان.
