جوداهیا د ناڤبه‌را ترۆمبێلێن هایبرید و یێن شه‌حنێ دا
ترۆمبێلێن هایبرید (Hybrid) و ترۆمبێلێن کارەبایی یێن ب شەحن (Electric/EV) دو جۆرێن جودانە ژ ترۆمبێلێن نوو و دوستێن ژینگەهێ، هەرچەندە هەردوکان پاتری و مۆتۆرا کارەبایی هەیە، لێ سیستەمێ وان یێ کارکرنێ جودایە.
ترۆمبێلێن هایبرید:
ئەڤ جۆرە تومبێلان دو ژێدەرێن ووزەیێ هەنە:
1- مۆتۆرا پانزینێ:
مۆتۆرەکا سووتەمەنی یا ناڤخۆیی (Internal Combustion Engine – ICE) هەیە کو وەکو مۆتۆرا ئاسایی کار دکەت.
2- مۆتۆرا کارەبایی و پاتری:
پاتریەکا بچووک و مۆتۆرەکا کارەبایی هەیە. پاتری ب شحنکرنا ژ مۆتۆرا پانزینێ یان ژ سیستەمێ (Regenerative Braking) شحن دبت (واتە ب ڕێکا فشارا برێکێ).
چاوانییا کارکرنێ:
– ترۆمبێلێن هایبرید دشێن ل سەر لەزاتییا نزم ب تەنێ ب مۆتۆرا کارەبایی بچن.
– ل سەر لەزاتییا بلند یان دەما پێدڤی ب هێزەکا زێدەتر بیت، مۆتۆرا بەنزینێ و مۆتۆرا کارەبایی پێكڤه کار دکەن.
– مەزاختنا سووتەمەنیێ کێمترە ژ ترۆمبێلێن ئاسایی، چونکی سیستەمێ هایبرید د وێستایان دا و ل سەر لەزاتیێن نزم، مۆتۆرا بەنزینێ دڤەمرینیت و ب مۆتۆرا کارەبایی کار دکەت.
– پێدڤی ب شەحنکرنا دەرەکی (ژ جۆگێن کارەبایی) نینە.
ترۆمبێلێن کارەبایی یێن ب شەحن:
ئەڤ جۆرە تومبێلان ب تەنێ ل سەر کارەبایێ کار دکەن و مۆتۆرا بەنزینێ نینە.
1- مۆتۆرا کارەبایی:
تەنێ مۆتۆرا کارەبایی هەیە.
2- پاتریەکا مەزن:
پاتریەکا مه‌زن و ب هێز هەیە کو ووزەیا پێدڤی بۆ مۆتۆرا کارەبایی دابین دکەت.
چاوانییا کارکرنێ:
– ب تەنێ ب ووزەیا کارەبایی کار دکەن.
– پێدڤی ب شەحنکرنا پاتریێ ژ جۆگێن کارەبایی یان وێستگەهێن تایبەت ب شەحنکرنا ترۆمبێلێن کارەبایی هەیە.
– چنه دوکێلێن ژینگەهێ بەرهەم دئینن (Zero Emissions).
– تێچوویێ بکارئینانێ کێمترە، چونکی تێچوویێ کارەبایێ کێمترە ژ پانزینێ.
– خاڵا وان یا لاواز مەودایێ بڕینێ (Range Anxiety)، هەر چەندە پاترییێن نوو دشێن مەودایێن درێژ ببڕن.
جوداهیێن سەرەکی:
– ژێدەرێ ووزەیێ:
هایبرید (پانزین + کارەبا)، EV (تەنێ کارەبا).
– شەحنکرن:
هایبرید پێدڤی ب شەحنکرنا دەرەکی نینە، EV پێدڤی ب شەحنکرنا دەرەکی هەیە.
– ژینگەهـ:
هایبرید کێمتر دوکێل بەرهەم دئینیت، EV چنه دوکێل بەرهەم دئینیت.
– مەزاختنا سووتەمەنیێ:
هایبرید کێمتر بەنزین مەزاخت دکەت، EV ب تەنێ کارەبایێ مەزاخت دکەت.
