جوداھی د ناڤبەرا ئەڤینێ و داخباربوونێ دا
ئەڤرۆ نیوز:
گەلەک جاران ئەم دکەڤینە د ھەلویستەکی دا کو ھەستێن داخباربوونێ و ئەڤینیێ تێکھەل دبن ژ بەر نێزیکبوونا ھەردو دلینیان. بەلێ ھندەک جوداھی د ناڤبەرا ھەردویان دا یێن ھەین، ئەو ژی ئەڤەنە دا تو بشێی ناسناما ھەستێن دەستنیشان بکەی:
دەمێ تو حەز ژ ئێکی دکەی، د ێ کێماسیێن وی بینی و چاڤێن خوە ل سەر نقینی، بەرۆڤاژی داخباربوونێ کو دێ وەکەت تو یێ ھووربین بی د کێماسیێن وی دا.
دەمێ تو دکەڤیە داڤێن ئەڤینا ئێکی، دوورکەفتن کارەساتە، بەلێ دەمێ تو پێ داخبار دبی ھزرا دوورکەفتنێ سڤکترە.
ھەستێن ئەڤینیێ وەدکەن ھەمی تشتێن لایەنێ دی دڤێن بجھبینی خو ھەکە بەروڤاژی سروشتێ تە ژی بن، ئەڤە نەیا گرنگە د داخباربوونێ دا.
دەمێ تو ئەڤینیێ دکەی، ھزرا ئێکێ یا تو دکەی ئەوە بمینیە ل گەل خۆشتڤیێ خوە، بەلێ ئەڤ حەزە ھند یا مەزن نینە ل دەمێ داخباربوونێ.
دەمێ ئەڤینی رووددەت، تشتێ ژ ھەمیا دیارتر د ھەستێن تەدا ئەوە تە دڤێت ب تنێ ل گەل کەسی بمینی، بەروڤاژی داخباربوونێ کو دەلیڤە یا ھەی کو حەز بکەی ل گەل ھندەکێن دی ژی بمینی.
دێ بزاڤێ خوە پێشبێخی ژ بەر وی، ئەو تو حەز ژێ دکەی.
ھەکە تە ئێک پێش خوە ئێخست ئەو تو حەز ژێ دکەی، و ئەڤە د داخباربوونێ دا نینە.
ئەڤینی ژ سنۆرێن جەستەیی دەرباز دبیت و ئەڤە نیشانەکا ئەڤینا ب ھێزە.
ھەکە تە خەون دیتن کو وی کەیفخۆش بکەی ئەو تو حەز ژێ دکەی، و ئەڤە نەیا گرنگە د داخباربوونێ دا.
ھەکە ئەڤینی یا بێ مەرج بیت، ئەو ئەڤینیەکا راستەقینەیە، بەلێ ل دەمێ داخباربوونێ ھندەک مەرج ھەر دمینن.
تو نەشێی ھزر د ژیانێ دا بکەی بێی وی، ئەو تو حەز ژێ دکەی و ئەڤە نە گرنگە ل دەمێ داخباربوونێ.
دێ ئەو ھەست بۆ تە چێبیت کو تو یا تمامی دەمێ ل گەل وی، بەلێ ل دەمێ داخباربوونێ ھەمی تشت تمام نابن.
یێ حەز ژئێکی بکەت خوە کاودان چ لێ بھێن پشتا خوە نادەتێ.
دەمێ ئەڤینی رووددەت، تو نەشێی سەمتا ھەستێن خوە بگوھۆری و نەشێی سڤک ژی بکەی، بەلێ داخباربوون ھەمی دەما دکەڤیتە بەر گوھۆرینان.
ئەڤینیێ رێزگرتن دڤێت، ھەکە تە ھەستێن ئەڤینیێ ل بەرامبەر ئێکی ھەبن دێ تە ھەستێن رێزگرتنێ ژی بۆ وی ھەبن.
