جوکوڤیچ فێدرێر خوسارەت کر و ب ناسناڤی ھاتە خەلاتکرن
ئەڤرۆ نیوز:
یاریزانێ سربی نوڤاک جوکوڤیچ ب ناسناڤێ قارەمانیا سینسیناتی یا جیھانی یا ھزار خالی ھاتە خەلات کرن پشتی د یاریا دوماھیێ دا شیای سەرکەفتنێ ل سەر ھەڤرکێ خوە یێ سویسری روجێ فێدرێر تومار بکەت.
جوکوڤیچ شیا د ڤێ یاریێ دا سەرکەفتنێ توماربکەت ل سەر پلەدارێ دویێ ل جیھانێ روجێ فێدرێر ب دو کومان بێ بەرامبەر (٦-٤، ٦-٤) ئەوا ھەڤرکیێن وێ ل وەلاتێ ئەمریکا ھاتیە کرن.
ب ڤێ سەرکەفتنێ جوکوڤیچ بەردەوامی دا زنجیرەیا دەستڤەئینانا ناسناڤان کو شیایە ھەمی ناسناڤێن ماستەرز دەستخوە ڤە بینت دیسان تنێ ناسناڤێ سینسیناتی مابوو ئەو ژی دەستخوە ڤە ئینایە، دیسان د بیتە ناسناڤێ دویێ ل ڤی وەرزی ژ سەرجەمێ ٧٠ ناسناڤێن وی دەستخوە ڤە ئینای ژ سالا ٢٠٠٣ وەرە.
