جوگرافیا و ئەسمانێ ئیراقێ بووینە مەیدانێن شەڕی
وەزیرێ دەرڤەیێ ئیراقێ هۆشداری دا ل دوبارە سەپاندنا سزایێن بەرێ یێن ئۆرۆپا ل سەر ئیرانێ و راگەهاند: زڤرینا وان سزایان دێ هەموو ئالییەكی بەر ب بنبەستێ بەت، ئەڤە ژی یا مەترسیدارە.
فوئاد حسێن، وەزیرێ دەرڤەیێ ئیراقێ، ل نیۆیۆرك بۆ كەنالێ (الشرق) گوت» ل چەند رۆژێن داهاتی دێ ل گەل بەرپرسێن ئەمریكا كۆمبم».
فوئاد حسێنی ئەگەرێ زڤرینا سزایێن ئۆرۆپا ل سەر ئیرانێ ب مەترسیدار هەژمارت.
هەروەسا ئاماژەكر» زێدەبوونا فشاران ل سەر پرسا فلستینێ و دەڤەرا رۆژهەلاتا ناڤین، فشاران ل سەر ئێرانێ زێدە دكەت و ئەڤە ژی ئەگەرە كو كێشەیێن مەزن ژێ پەدا ببن».
وەزیرێ دەرڤەیێ ئیراقێ هۆشداری ژی دا ژ وێ چەندێ گەفێن ئیسرائیلێ دژی ئیرانێ، گرژیێن زێدەتر و كێشەیێن مەزنتر ل دەڤەرێ ل دووڤ خوەدا ئینان».
سەبارەت ئیراقێ، فوئاد حسێن گوت» جوگرافیا و ئەسمانێ ئیراقێ بوویە مەیدانا شەڕێ، هیڤیدارم ئەو گرژییە ب رێیێن دپلۆماسی بهێنە چارەسەركرن».
