جڤاتا ئاسایشا هەرێما كوردستانێ بكەرێ پەقینا هەولێرێ ئاشكراكر
جڤاتا ئاسایشا هەرێما كوردستانێ د راگەهاندنەكێ دا بكەرێن پەقینا جاددەیا 60 مەتری یا هەولێرێ ل رۆژا ئەینی 1/9/2023 ئاشكراكرن.
جڤاتا ئاسایشا هەرێما كوردستانێ ئاماژە ب هندێ كر، ئەو روودانە یا تیرۆرستی بوو، ب رێكا بۆمبەكا دەستكرد هاتبوو ئەنجامدان، كو ل سەر پرەكا دەربازبوونا پیادە هاتبوو دانان، نێزیكی ئێك كیلۆگرام ماددەیێ پی ئی تی ئێن (PETN) پێڤەبوو، پشتی ڤەكۆلینێ و كۆمكرنا زانیاریێن دروست دیاربوو، ئەو كریارە ژ لایێ كەسەكی بناڤێ (زیاد جەلیل خەلەف) كو ئەندامێ تەڤگەرا ئازادییا سەر ب پەكەكێڤە و ئاكنجیێ ناوچەداریا تەكیە یا سەر ب دەڤەرداریا تەق تەق ڤە یا پارێزگەها سلێمانیێ ڤە هاتبووكرن، كو ب مەرەما ئەنجامدانا وێ كریاری هاتبوو هەولێرێ و ڤەگەریابوو ناوچەداریا تەكیە.
