جڤاتا بلندا ئێزدیان دێ هێـته دامهزراندن
دهۆك، لهزگین جوقی:
كار بۆ دامهزراندنا جڤاتا بلندا ئێزدیان یێ دهێته كرن و كهسایهتیهكێ نێزیكی میرێ ئێزدیان ژی زانیاریان ل سهر پێكئینانا جڤاتهكا بلند ئێزدیان ئاشكرا دكهت.
ئهندازیار خالد نهرمۆ، كهسایهتیێ ئێزدی و نێزیك ژ میرێ ئێزدیان و سهرپهرشتی نووژهنكرنا پهرستگهها لالش دیار كر، بهردهوامیدان ب دهستپێشخهریا میر حازم تهحسین بهگ، میرێ ئێزدیان ئامادهكاری بۆ كۆمبوونهكا بهرفرهه ل سهر بابهتێ دامهزراندنا جڤاتهكا ئێزدیان بۆ رێڤهبرنا ئێزدیان یێن دهێنه كرن و گۆت: “نوكه ئێزدیان سازیهك بناڤێ جڤاتا رۆحانیا ئێزدیان و میرێ ئێزدیان ههیه، لێ پێدڤی یه ئهو جڤاته بهێنه ب دامهزراویكرن، ب تایبهت ژی بۆ ئاریشهیێن ئێزدیان، وهكو جڤاك و ئایین د ئاشتیێ و ئازادیا ل ههرێما كوردستانێ ههی رێ ددهته ئێزدیان خوه رێك بێخن و بشێن پتر گازندهیێن ئێزدیان بگههینن”.
خالد نهرمۆ، ئاشكرا ژی كر كو ئهو بزاڤێ دكهن ب رێیا سازیێن شهرعی ل ههرێما كوردستان و ئیراقێ و دهولهتان ژی دانپێدان ب جڤاتا بلندا ئێزدیان بهێته كرن، وهكو نوونهرهكێ شهرعی بۆ خهلكێ ئێزدی وهكو ئاین و جڤا و گۆت: “بهری نوكه ژی هندهك كار ل سهر ڤی بابهتی یێ هاتیه كرن بۆ پێكئینانا جڤاتا بلند یا ئێزدیان، هیڤدارین پێنگاڤێن رژد بهێنه هاڤێتن بۆ دامهزراندنا رێڤهبهریا ئێزدیان ژ لایێ ئایینی و جڤاكی ڤه”.
زێدهتر گۆت: “ههتا نوكه پێشنیاز ههنه و هێشتا نهبووینه بڕیار، پتریا پێشنیازان ئهون، كو جڤاتا رۆحانیا ئێزدیان پێدڤیه بۆ كاروبارێن ئاینێ ههر بمینیت و پیشنیاز ههیه پتر بهێته بهرفرههكرن ئێزدی ژ ههموو دهڤهران ببنه ئهندامێن جڤاتا رۆحانیا ئێزدیان بۆ كاروبارێن ئایینی، دیسا بزاڤ ئهون جڤاتا بلندا ئێزدیان بۆ كاروبارێن ئێداری و جڤاكی بهێته دامهزراندن، لێ نوكه گهنگهشه ل سهر ڤی بابهتی دهێته كرن و هێشتا چو بڕیار ل سهر نههاتینه دان”.
