جڤاتا نوونه‌ران ئه‌ڤرۆ ل دۆر بۆردۆمانێن ئیرانێ دێ كۆم بیت
ئه‌ڤرۆ:
جڤاتا نوونه‌رێن ئیراقێ ل دۆر بوردۆمانێن ئیرانێ بۆ سه‌ر ئاخا ده‌ڤه‌رێن سنووری یێن هه‌رێما كوردستانێ دێ كۆم بیت.
شاخه‌وان عبدوللا، جێگرێ دویێ یێ سه‌رۆكێ پهرلهمانێ ئیراقێ دبێژیت: په‌له‌مان دێ داخوازێ ژ حكومه‌تا ئیراقێ كه‌ت، كو ئاشكرا بكه‌ت ئه‌رێ سه‌روه‌ریا ئیراقێ دێ پارێزیت یان نه؟
جێگرێ سه‌رۆكێ لژنا ئاسایش و به‌رگریێ ل پهرلهمانێ ئیراقێ ئاشكرا كر، ئه‌و پێشبینی ناكه‌ن، كو په‌ر‌له‌مانی هه‌لوه‌سته‌كێ توند به‌رامبه‌ر بۆردۆمانێن ئیرانێ هه‌بیت.
سه‌گڤان یوسف، جێگرێ دویێ یێ سه‌رۆكێ لژنا ئاسایش و به‌رگریێ ل جڤاتا نوونه‌ران راگه‌هاند، هه‌ڤپه‌یمانێن ئیرانێ ل جڤاتا نوونه‌ران د زۆرن، ژ به‌ر وێ چه‌ندێ پێشبینی ناهێته كرن پهرلهمان بشێت هه‌لوه‌سته‌كێ توند به‌رامبه‌ر بوردۆمانێن ئیرانێ بۆ سه‌ر ئاخا هه‌رێما كوردستانی هه‌بیت، دووماهی جار ب تنێ پهرلهمان دشێت وێ هێرشێ شه‌رمزار بكه‌ت.
به‌ری نوكه 125 په‌ر‌له‌مانتاران ئیمزا كۆمكربوون، ل دۆر بردومانێن ئیرانێ یێن مه‌ها بۆری ل سه‌ر باره‌گایێن حزبێن رۆژهه‌لات ئه‌وێن د ناڤ ئاخا هه‌رێمێ دا.
