جڤاکناسەک: ئەو کچا بۆ شووکرنا خوە مەرجا دانیت نابیتە دایکەکا سەرکەفتی
ئەڤرۆ نیوز:
ژنەک تایبەت بۆ ئەڤرۆ دبێژیت: ئەز ئێک ژ وان کچا بووم کو زۆر کەسا ئەز د خواستم، لێ من نە د ڤیان و رەد دکرن یان ژی دا مەرجا دانم، بەس بو من دیار بۆ کو ئەڤ چەندە یا شاشە مرۆڤ دکەت، چونکی دەوات دەواتا ئێکی یە ژبەر ئەو زەوقێ مرۆڤ دبورینیت.
دایکا جیھانێ ئەو ژنەیە و زێدتر دبێژیت: ھەروەسا ئێشەکا دی یا ھەی ئەو ژی گەنج خوە گیر و دکەت و دبێژیت ئەز خێزانێ پێک نائینم ھەتا دبمە خودان خانی و مال یان ترومبێل و خواندنا خوە تەمام دکەم و کارەکێ ب دەست خوە ڤە دئینم و چەندین ئەگەرێن دی کو ئەڤە ژی بۆ ھەردو رەگەزا ب خرابی و شاشی دزڤریت.
کچەک بناڤێ ئاڵا مەجید ئەشکەرا کر، کچ ھەنە دەمێ ھاتنا ھەڤژینیێ مەرجا بخوە دانێت و ئەڤ یەکە ژی دبیتە رێگر و ژیانا وێ ئالوز دبیت لەوما دڤێت کچێ ھایژ خوە ھەبیت و ئەڤ دەلیڤێن ھوسا دڤێت ژ دەست خوە نەکەت، ژبەرکو پەشیمانی فایدە ناکەت و گۆت: ھەروەسا ھندەک کچ ھەنە کۆ ئەو و کور بێ مەرج خێزانێ پێک دئینن و ئەڤە ژی بۆ کاودانێن نھا گەلەک باشە .
جڤاکناس عەبدلرەحمان چاربووتی دا زانین کو، ھەر کچەک دڤێت تێگەھشتنا شووکرنێ بزانیت دا یا بەختەروەر بیت و چ جارا ژی ئاستەنگ و بارگرارنیێ بۆ خوە مالباتا کوری دروست نەکەت و گۆت: ئەو کچا د دەمێ شووکرنێ دا مەرجا دانیت بۆ مالا کوری ئەو نابیتە دایکەکا سەرکەفتی د ژیانا خوە دا ژبەرکو ئەو داخوازیێت کچێ دبنە بارگرانی بۆ کوری.
ل دوماھیێ چاربوتی دبێژیت: ئەڤجا پشتی کو خێزانێ پێک دئینن رەنگە قەردار بن یان ژی دلساری دناڤبەرا وان دا پەیدا ببیت و دێ ئاریشە دەست پێکەن و کور دێ ھەست ب پەشیمانیێ کەت ژ وێ ھەڤژینیێ و گۆت: ھەتا ھەکە کور یێ دەولەمەند ژی بیت و قەردار نەبیت ژی دێ ھەست ب کێماسیا ڤیانێ و خوشەویستیێ کەت ژبەرکو دی َزەلام وا ھەست کەت کو ئەو کچە حەز ژ وی ناکەت بەلکو حەز ژ پارێ وی و مالێ وی دکەت و زەلامی باوەری ب خێزانا خوە نامینیت و ئەڤە نابیتە خێزانەکا سەرکەڤتی.
