جڤینێن په‌رله‌مانتاران بو چاره‌سه‌ركرنێ بن یان په‌یداكرنا ئاریشان؟!
ملله‌تی ده‌نگ نه‌دایه هه‌وه هۆسا هه‌یبه‌تا په‌رله‌مانی لاواز بكن و د به‌رژه‌وه‌ندیا تایبه‌ت یا خوه و نه‌حه‌ز و و دوژمنێن مرۆڤاتیێ دا كاربكه‌ن و هێدی هێدی ب پلان په‌رله‌مانی و حوكمه‌تا هه‌رێمێ ژناڤببه‌ن و هه‌ر جاری ل دووڤ پیلانگیره‌كی بچن و وان یاسایێن دژی وه‌لاتیێن هه‌رێمێ هوون ده‌ربكن و بلا ئه‌و یاسایین هوون ده‌ردئیخن ژ بۆ پیشكه‌فتن و ئیكگرتن و ب هیزكرنا پیشمه‌رگێن كوردستانی بهین دان و داخوازكرن، ئه‌ری ئه‌ڤه چیه ل په‌رله‌مانی كوردستانی دا چێدبت و مخابن ملله‌تی زانیبا هوون دی هۆسا یاریا ب ملله‌تی كن و دووماهیا ئۆمیدا ده‌وله‌تبوونی كن د مه‌ترسیی دا وان ده‌نگین خوه نه‌دان هه‌وه پشتراست بن په‌رله‌مانتارێن حزبان، هوون نزانن قه‌یران بۆ قه‌یرانێ و شه‌ڕی دژی تیرۆرسی ل سه‌ر هه‌رێمێ هاتیه سه‌پاندن لی هه‌ر وه‌كو هه‌وه ل به‌ره هوون بێژن پێشمه‌رگێن ئه‌ڤه دو هه‌یڤه بێ مووچه هه‌ڕن مال جه‌ژنا خوه ل ناڤ خێزان و زارۆیێن خوه دا بكن بێهنا خوه ڤه‌كن و ئه‌م ئه‌ندام په‌رله‌مان یێن هنده‌ك حزبان دێ چین جهین هه‌وه گرین ب ده‌مانجا و كلاشینكۆفا به‌ره‌ڤانیا خوه و خه‌لكێ هه‌رێمێ و په‌رله‌مانێ كوردستانی كین و ئه‌رێ بۆچی ئه‌ڤ مه‌زاختنه ل ڤی ده‌می دا و بۆچی هه‌وه ئه‌ڤ داخوازی كر و وه‌زیری پێشمه‌رگه قه‌بوولكر عه‌جیب و غه‌ریب و بۆچی هوون ل سه‌ر ئاریشێن ملله‌تی كۆم نابن و چاره‌سه‌رناكن و ژ ڤان قه‌یرانان دا بینن ده‌ری ما كارێ هه‌وه تێكدانا ره‌وشا ئارامیا هه‌رێمێ یه یان دانانا یاسایان ل دووڤ به‌رژه‌وه‌ندیا وه‌لاتێین كوردستانی یه و ئی باوه‌ربكن په‌رله‌مانتارینۆ یین هنده‌ك حزبان هه‌وه هه‌یبه‌تا په‌رله‌مانی لاواز كر، هه‌روه‌سا خه‌لك ژی بی ئۆمیدكر و دێ چ بێژن وان خێزانێن شه‌هیدان و هه‌ژار و فه‌رمانبه‌رێن وه‌لاتی دا دژین و چاڤێن وان ل مووچه‌یه‌كی و هاریكاریه‌كێ و ڤێجا بلا پارێن خانه‌شینكرنا شه‌هیدان كێم بكن و بده‌ن هه‌وه وه‌سا دڤێت ئێدی به‌سه گه‌ل ته‌حه‌مولا هه‌وه ناكت و وه‌لاتی وێران نه‌كن و دوبه‌ره‌كیی و ده‌رزان دورست نه‌كن هه‌ی به‌ختێ خودێ هه‌چكو هوون نزانن دوژمن چه‌ند میتران دووری هه‌وه و ملله‌تینه و بلا ئه‌و پاره و چه‌ك بۆ خیزانێن شه‌هیدان بان و چاڤ ل به‌رنامی ره‌نج كربان دا پتر پی سه‌ربلندبن و نه‌هۆسا شه‌همزاربن و ئێ هه‌وه هه‌میان چه‌ند پاسه‌وان و زیره‌ڤانێن خوه یێن هه‌ین وهه‌وه دشیا هاریكاریا خه‌لكێ خوه كربان و ب پارێن خوه و مووچێن خوه بۆ خوه چه‌ك كڕیبان، نه‌ك ژ میزانیا هه‌رێمێ بیننه ده‌رێ و هوون باش دزانن هه‌رێم دچ قه‌یرانێ دایه و ئه‌رێ ما هوون نزانن ل هه‌ر چار ئالایان دوژمن پیلانان دانن ژبۆ هه‌ڕفاندنا هه‌وه ئێكه‌م جار و پاشی داگیركرنا وه‌لاتی و وێرانكرنا خه‌لكی هه‌میێ كو د هزران دا ژی نه‌هێلن بێژن مه ده‌وله‌ت دڤێت و ل ڤێری دیاربوو كو هه‌تا نوكه ب تنی پارتی و چه‌ند لایه‌ن خودانێ ڤی ملله‌تینه و به‌ره‌ڤانیا ئاخ و سامان و ده‌ستكه‌فت و ره‌وشا هه‌رێمی ب دورستی دكن و پیشڤه‌چوونێ بۆ ده‌وله‌تبوونی دخوازت و هوون نها رێگریێ لێ دكن و ب ناڤێ یاسایێن ده‌ره‌و و فێلبازی خه‌لكی دخاپینن و ل دووڤ به‌رژه‌وندیین خوه یێن حزبایه‌تی دچن و نه‌حه‌ز و داگیركه‌ران دكن هه‌ڤال و رێ بۆ نه‌حه‌زان خۆش دكن دا گه‌ل ب هه‌لوه‌شت و نه‌ڤیان و كه‌ربوكین جاره‌ك دی سه‌رێ خوه هلبده‌ت ل ناڤ وه‌لاتی دا و جاره‌ك دی برینێن گه‌لێ مه بئێشینن و مه هیڤی یه ئه‌ڤه دوباره نه‌بت و چینه‌بت و بێژین هه‌وه هاژ ژ هه‌ژار و پێشمه‌رگێن خوه و وه‌لاتیان هه‌بن و ڤان قه‌یرانان نه‌هیلن و كۆمبوونێن هه‌وه په‌رله‌مانتارینۆ بلا بۆ چاره‌سه‌ركرنا ئاریشان بت نه‌ك بۆ په‌یداكرنا ئاریشا و فتنی بت، لێ هه‌ر چاوا بت هه‌ر رۆژ گه‌ل چاڤه‌ری قه‌یرانه‌كێ یه و ئێك ژ ئێكێ خرابتره و مه هیڤی یه ژ خودێ هاریكارێ سه‌رۆكێ مه و هه‌می پیشمه‌رگێن دچه‌په‌ران بیت یێن ه‌دا ب شه‌ڤ ورۆژ نانڤن و دلسۆزێن وه‌لاتی. كلحی نعمت / زاخۆ
