جگارەکێشان سالانە هەشت ملیۆن مرۆڤان دكوژیت
بكارئینانا جگارێن ئەلکترۆنی بەرفرەهـ بوویە و ڕێکخراو و ناڤەندێن ساخلەمییێ ل جیهانێ ژی بەردەوام هۆشدارییێ ل زیانێن بكارئینانا ئەوی جۆرێ جگارێ ددەن.
عەباس جەبار، ڕێڤەبەرێ پشكا كونترۆلكرنا تویتنێ ل پشكا نەخۆشییێن نەڤەگوهاستی ل وەزارەتا ساخلەمییا عیراقێ ڕاگەهاند، ل دویڤ دووماهیك ڤەكۆلین، جگارەیێن ئەلكترۆنی زێدەتر ژ 127 ماددێن ژەهراوی یێن بهێز و 225 ماددێن تێكدەرێن خانان و “دی ئێن ئەی”ــی مرۆڤی بەرهەم دئینن.
زانایێن زانکۆیا هارڤارد یا ئەمریکی ل دووماهی ڤەكۆلین ل سەر ئەوی بابەتی ڕاگەهاند، جگارا ئەلکترۆنی ئەگەرەكێ سەرەکییە بۆ توشبوون ب نەخۆشیێن پەنجەشێرا سیهان و نەخۆشییێن کۆئەندامێ هەناسە و دل و جگەرێ؛ ب جۆرەكی بكارئینانا ئەوان جگارەیان، ئەگەرێ توشبوونێ ب نەخۆشییێن پەنجەشێرێ و نەخۆشییێن دی پێنج جاران ژ كەسێن ئاسایی زێدەترە.
گورەی ئامارێن ڕێکخراوا ساخلەمییا جیهانی ژی ئاشكەرا كر، سالانە زێدەتر ژ 8 ملیۆن کەسان ب ئەگەرێ كێشانا جگاران گیانێ خۆ ژ دەست ددەن.
