جۆتسایدێ 30 مەتری ژ تەناهی بۆ وەستگەها كارەبا تەناهی هاتە ڤەكـرن
بەردەوامیدان ب گەهاندنا پڕۆژەیێن خزمەتگوزاری، د. عەلی تەتەر، پارێزگارێ دهۆكێ ب ئامادەبوونا خەلیل مەحمود، دەڤەردارێ سێمێلێ و دیار بەحری، رێڤەبەرێ گشتی یێ باژێرڤانیێن پارێزگەها دهۆكێ دوهی 5/11/2024 جۆتسایدێ 30مەتری ژ كۆمەلگەها تەناهی بۆ وەستگەها كارەبا تەناهی ب درێژاهیا نێزیكی چار كیلۆمەتران ڤەكر.
پارێزگارێ دهۆكێ د كۆنگرەكێ رۆژنامەڤانی دا دوپاتكر، كو ل دووڤ راسپاردێن سەرۆكێ حكومەتا هەرێما كوردستانێ كاروانێ ئاڤەدانیێ دێ یێ بەردەوامبیت و پڕۆژە ب یەكسانی ل هەموو دەڤەرداری و ناوچەداری و كۆمەلگەه وگوندان دێ هێنە بجهئینان.
هەژی گوتنێ یە، جۆتسایدێ سەرەكی یێ تەناهی بۆ وەستگەها كارەبێ و پڕۆژەیێن جاددەیا 60 مەتری ژ ئۆڤەرپاسا فاملی مۆل بۆ حەوشكێ و شوقێن فرەنسی و جۆتسایدێ 30 مەتری ژ وەستگەها كارەبا تەناهی بۆ شوقێن فرەنسی و جۆتسایدێ ژ وەستگەها كارەبێ بۆ تاخێ حەوشكێ دچیت هەموو پێكڤە ل سەر بودجا پارێزگەها دهۆكێ ب گوژمێ 21 ملیار دیناران هاتینە ئەنجامدان و كەفتینە د خزمەتا خەلكێ دەڤەرێ دا.
