جۆتیاران
شیان مەهدی كانیساركی
«جۆتیاران» ڕۆمانەكە ژ نڤسینا نۆژدار و نڤیسكارێ ناڤدارێ ڕۆسی « ئەنتۆن چیخۆف 1860-1904ز « یە ل سالا 1897ێ ز هاتییە بەلاڤكرن و ل سالا 1968ێ هاتییە وەرگێڕان بۆ زمانێ عەرەبی. د ڤێ پەرتووكێ دا چیخۆف باس ل فەرمانبەرەكی دكەت ب ناڤێ « نیكۆلای» كۆ ل ئێك ژ ئوتێلێن باژێڕێ موسكۆ كاردكەت، نەخوەشی و ئێش ئێكا هند ژ وی چێدكەن ب زڤڕیتە ڤە گوندی و دەف خێزانا خوە یا بچویك، كو هەر ژ ڕۆژا ئێكێ یا گەهەشتنا وی بۆ مال و گوندی» نە تێگەهەشتن، نەزانین و هەژاری «یا وی خەلكی هزرا باركرن و ڕەڤینێ د ئینیتە د سەرێ وی دا. نڤیسكاری یا ڤیایی ب ڕێكا ڤێ چیرۆكێ دو خالان دیار بكەت، ئێك وەلاتێ خوە ڕۆسیایا وی سەردەمی بۆ خواندەڤانی بدەت دیاركرن كا د چ حال دا بوو، كا چەند ستەم ل چینا هەژاری دهاتەكرن ژئالیێ هەردو چینێن دی یێن بلندتر، ب تایبەت كەسێن جۆتیار كو د وی دەمی دا ئێك ژ تەخا هەرە ستەملێكری بوو و خەلكەكێ دی ئەو وەكی خولام بۆ خوە د هژمارتن. هەروەسان چیخۆفی ڤیایە بۆ مە بێژیت كۆ هەژاری گەلەكا نەخوەشە و مرۆڤ یێ دەست كورت و ڤالا بیت، لێ تو چ دبێژی بۆ «جەهالەتا» نەتێگەهەشتنا دسەر هەژاریێ ڕا؟ ئانكو مە ژ ئێكێ خوەش نەبوو یا دی ژی بهێت سەر، ئەوی دڤێت بێژیت مە كو هەژاری دبیت چارە ببیت ڕۆژەكێ لێ یا دووێ ئەو نەخوەشیە چارەسەری و دەرمانێ وێ ئەستەمە زوی زوی پەیدا ببیت، ئەگەر پەیدا ژی ببیت خودان» نەخوەش» ناخۆت ئانكو مێشك دهێتە شویشتن، نەساخی دڤێت هەر یێ وەسا بیت و ب وێ نەخوەشیێ بمریت. ئەگەر ئەم تەماشە بكەین نوكەژی ئەڤ نەخوەشیە یا بەربەلاڤ دبیت، بەری 120 سالا و پتر وی دلگرانیا خوە یا دیاركری بۆ خەلك و وەلاتێ خوە، كی دێ بۆ مە بێژیت؟! . ژ ڕستەیێن جوانێن پەرتووكێ( ل مالا تە، خوە دیوار ژی هاریكاریا تە دكەن ! ). (ئەگەر مرۆڤ یێ نەخوەش ژی بیت، لێ ل وەلاتێ خوە بیت، یا ب تامە ).
ژێدەر:پەرتووكا: الفلاحون.نڤیسین: ئەنتۆن چیخۆف.بابەت: ڕۆمان.ژ. لاپەڕان: 172
