جۆتیارەكێ دهۆكێ وێنەیێ بارزانیێ نەمر ب (8444) مێویژان چێكریە
سندس سالح سلێڤانەیی:
جوتیارەكێ گوندێ دیراگژنیكێ، وێنەیەكێ بابێ مەزن (مستەفا بارزانی) ب (8444) مێویژان چێكریە و ئەو وێنە دوهی ل فەستیڤالا تری و هنگڤینی ل فاملی مۆلا دهۆكێ هاتە نیشادان و كەسێ چێكری دخوازیت ڤی وێنەی ب دیاری بگەهینتە دەستێ سەرۆك (مەسعود بارزانی).
حسێن عەبدوللا، ئەو جۆتیارە بۆ رۆژنامەیا ئەڤرۆ دبێژیت: ل سالا بۆری من وێنەیێ سەرۆك (مەسعود بارزانی) ب تری چێكر بوو و د فەستیڤالێ دا هاتبوو نیشادان و خەلكەكێ زۆر حەزژێكرن و وێنە ل گەل دگرتن، بۆ ئەڤ سالە من وێنەیێ بابێ مەزن (مستەفا بارزانی) هەر ب تری چێكر و (12) جۆرێن تری تێدا هاتنە بكار ئینان، كو هژمارا وان گەهشتە (8444) مێویژان و ژبەر ڤیانا منا بێ سنۆر بۆ بارزانیێ نەمر و سەرۆك مەسعود بارزانی ئەز بڤی كاری رابوویە و ل دەمێ سێ رۆژان ب دووماهی هاتیە و ئەز دخوازم وەكو دیاری ئەڤ وێنەیە بگەهیتە دەستێ سەرۆكی.
