جۆتیار عەلی: یاریێن بهێت چارەنڤیسن بۆ چارگۆشەیا زێڕین
ئەڤرۆ
ئێكەتیا باسكێت بۆلا ئیراقێ بڕیاردا چار گەڕێن مایی ژ خولا پلا نایاب د ماوێ هەیڤا ئادارا بهێت دەستپێبكەن و یانەیا زاخۆ دێ هەموو یاریان د ناڤ ئەرد خوە دا كەت.
زاخۆ ئەوا نوكە ژ 18 یاریان 31 خال كۆمكرین دێ ل حەفتی ئادارا بهێت مێڤانداریا یانەیا حەشد كەت ئەوا 34خال كۆمكرینە رێزا دویێ دهێت، دووڤدا دێ ل11 ئاداراێ مێڤانداریا دیفاع ئەلجەویە كەت خودانا رێزا سێیێ ب35خالان، یاریا سێیێ دێ بەرانبەری خودانا سەرێ لیستێ یانەیا شورتە بیت ئەوا 36خال كۆمكرینە، ئەڤ یاریە دێ ل 14ێ ئادارێ هێتە كرن، یاریا چارێ دێ مێڤانداریا یانەیا دیجلە ئەلجامعە كەت خودانا 32 خالان رێزا شەشێ.
دداخویانیەكێ دا جۆتیار عەلی هاریكارێ راهێنەرێ زاخۆ بۆ رۆژناما ئەڤرۆ دیاركر ئەو دێ هەموو بزاڤان كەن ژ هەرچار یاریان هەتا سێ سەركەفتنان بینن پێخەمەت مسۆگەركرنا دەربازبوون بۆ چارگۆشەیا زێرن و گۆت: ئەو یاریێن مایی كۆپیتكا هەڤڕكیێ نە دگەل یانەیێن خودان شیان، دێ بزاڤێ كەین مفایی ژ ئەرد و جەماوەرێ خوە وەربگرین و رژدین ژبۆ سەركەفتنێ و دەستڤە ئینانا خالێن یاریان و مفایی ژ سەركەفتنێن تیما لاوان بكەین ژبۆ زێدەكرنا خالێن خوە دناڤ رێزبەندیێ دا.
