توركيا له‌شفرۆشيێ ب كچێن سورى دكه‌ت

ئه‌ڤرۆ نيوز:

رۆژنامه‌كا توركى يا نێزيك ئاكه‌پێ راگه‌هاند: نوكه‌ بانده‌كێ له‌شفرۆشيێ ل توركيا بازرگانيێ ب كچێن سورى دكه‌ن، هنده‌ك جار ئه‌وان كچان ب سێ هه‌تا 5 هزار ليران دكرن و پاشان بۆ په‌يداكرنا پاره‌ى ب كار دئينن.

رۆژناما “وه‌حده‌ت” يا توركى د بابه‌ته‌كى دا كو رۆژا 20ى ڤێ هه‌يڤێ به‌لاڤكريه‌، ئاماژه‌ ب وێ چه‌ندێ كريه‌ كو ئه‌و باندێ كچ و ژنێن سورى كو به‌رى نوكه‌ هه‌ڤژينێ كريه‌ و ژ سوريا دبه‌نه‌ توركيا و ل وێرێ ژى كارێ له‌شفرۆشيێ پێ دكه‌ن و د وێ رێ دا پاران پێ په‌يدا دكه‌ن.
سه‌لاح چاتين، رێكخه‌رێ كۆمه‌لا زۆريلێكريان Mazlum-Der د داخۆيانيه‌كێ دا بۆ رۆژنامێ ئاماژه‌ ب وێ چه‌ندێ كريه‌، باندێن بازرگانيكرنێ ب ژنان و كچان ل ده‌سپێكێ دچنه‌ سوريا يان ئه‌و كه‌مپێن ئاوارێن سورى لێ ل ناڤ توركيا و ماره‌ دكه‌ن و د به‌رامبه‌ر سێ هه‌تا پێنج هزار ليرێن توركى “هنده‌ك جاران ژيێ وان كچ يان ژنان د ناڤبه‌را 25 سالان” دايه‌ و پشتى برنا ناڤ ئاخا توركيا نه‌چار دكه‌ن ب ئه‌نجامدانا كارێ له‌شفرۆشيێ رابن و پاران پێ په‌يدا كه‌ن.

کۆمێنتا تە