جۆرەكێ گۆرێن زارۆكان ل دەف من بووینە ترێند
هێلین سالم:
ئەفسانە ئەحمەد، كو خەلكا رۆژئاڤایێ كوردستانێ یە و كارێ دەستڕەنگینیێ دكەت، د دیدارەكێ دا بۆ رۆژنامەیا ئەڤرۆ گۆت: ئەڤە پێنج سالان ئەز ڤی كاری دكەم، ئەو ژی چێكرنا شەمالكان و كەڤالان و چنینا سوفی و نەخشەیێن سیرامیكی و ب رێكا تورێن جڤاكی نیشاددەم و دفرۆشم و ب كارێ خوە یا دلخۆش و ئارامم.
هەروەسا گۆت: من ژ (سوفی) دەستپێكریە، چنكو بەهرا پتر داخوازی ل سەر چنینا سوفی هەبوویە و جۆرەكێ گورێن زارۆكان ل دەف من هەنە بووینە ترێند، بۆ زانین من گەلەك خۆل بێ بەرامبەر ڤەكرینە، هەروەسا پشكداری د هژمارەكا پێشانگەهان ژی دا كریە و نوكە ئەز دایكم و بارێ من یێ گرانە بەلێ هەموو هیڤی و ئۆمێدێن من ئەون رۆژەك بهێت من جهەكێ تایبەت ب كارێ خوەڤە هەبیت دا بشێم گەلەك كچ و ژنان فێری ڤی كاری بكەم.
