جۆرە نەخۆشیەكێ هژیرێن ئاكرێ گرتینە
بێوار حەمدی
ئاكرێ یا زەنگینە ب دەرامەتێن چاندنێ، ئەڤ دەڤەرە ژی ب بەرهەمێن جودا جودا یا زەنگینە و خودان ناڤە ژی، لێ دەربارێ هژیران ل دەڤەرێ، جۆرە نەخۆشیەك پەیدا بوویە و بوویە ئەگەرێ وەراندنا كەركێن هژیران ل دەڤەرێ و رێڤەبەرێ چاندنێ ژی گۆت: ئێك ژ وان ئەگەرانە كو نەرێكخستنا ئاڤدانێ بیت.
ئوسمان زێباری ئێكە ژ جوتیارێن دەڤەرێ دا خویاكرن: راستە دەڤەرا مە یا دەولەمەند و زەنگینە ب بەرهەمێن خۆمالی یێن چاندنێ و خەلك پتر پێدڤی ژ هاریكاریانە بۆ پتر بەرهەمەك جوانتر و باشتر بۆ هنارتنا بازاڕێن نافخۆیی.
گۆت ژی: د نوكە دا جۆرە نەخۆشیەك پەیدابوویە و بوویە ئەگەرێ وەراندنا كەركێن هژیران كۆ روژانە سەرەدانا بیستانێن خۆ دكەین زۆر دلگران دبین، بەلێ ئەڤە ژی كارێ خودێ یە و دڤێت ب رزقێ خۆ ژی رازی بین.
رێڤەبەرێ چاندنا ئاكرێ فازڵ مستەفا رەشید ئاشكرا كر; راستە ئاكرێ بەرهەمەك زۆر باش و جودا هەیە، لێ دەربارێ وەراندنا كەركێن هژیران بكەین ئەو ژی بۆ هند ئەگەر و سەدەمان ژی ڤەد گەرێت، ئەو ژی دبیت ژ بەر رەوشا كەش هەوایێ دەڤەرێ بی ، دەڤەر بۆ دەڤەرێ جوداهییەك هەیە ژ روویێ گەرم و ساریێ ڤە، دیسا ژی ژینگە ب خۆ ژی زۆر جاران دبیتە ئێك ژ ئەگەرێن تێكدانا بەرهەمێ چاندنێ. هەروەسا نە رێكخستنا سیستەمێ ئاڤدانێ كۆ ب تایبەت ئاڤدان دەستكاری بۆ هاتبیتە كرن و دروستكرن، نموونە ژی; دبیت ل وی دەمیدا كیمیا ئاڤدانێ هەبیت و هەردەما كێمی و زۆری هەبیت ئێكسەر دێ كارتێكرن هەبیت ل سەر بەرهەمێ چاندنێ.
فازڵ دیار كر ژی، دەڤەر هەیە زۆر كرم و حەشارەت هەبن ئەو بخ ۆ ژی دبنە ئەگەر و وەكی دووڤچوونا مە كری بۆ هندەك جهان عەنكەبوت هەیە و دڤێت چارەسەریا وێ بهێتە كرن و بۆ رێگریكرن ژ وێ نەخۆشیا هەی نوكە و گۆت: وەریانا بەلگان ژی نەخۆشیێن خوە هەنە، نموونە سەری بیت یان بنێ دارێ وەكی نەخۆشیین دیتر و زەر بووونا بەلگان ئەڤە ژی ئەگەرە و دگەل چەندین ئەگەرین دیتر ژی.
خویاژی كر، هەردەما بەرهەمەك بهایەك باش هەبیت، ل سالا ل دووڤ را هەموو پێكڤە وەك چاڤلێكرنەك بەرێ خوە دەنە وی جۆری كو ئەو ژی زۆریا بەرهەمی بێگومان د وی دەمیدا نەخۆشی پتر بن ل سەر بەرهەمی ل دەڤەرێ، بەلێ ئەم وەك چاندن بەردەوام ل سەر خەتین بۆ هندێ پتر نێزیك بین ژ جوتیارێن خۆ بۆ هەر كار و پێنگاڤەكێ ل سەر بەرهەمێن وان پتر بێخینە د ناڤا بازاڕی دا.
