جینۆسایدا شنگالێ دێ ل فرەنسا هێتە بەحسكرن
دووڤچوون:
ئەندامەكێ جڤاتا نوێنەرێن عێراقێ راگەهاند: ب هەڤكاری و پشتەڤانیا حوكمەتا هەرێما كوردستانێ، شاندەكێ پەرلەمانتاران دگەل رێكخراوان د ڤێ هەیڤێ دا بۆ جینۆسایدا شنگالێ دێ سەرەدانا فەرەنسا كەن و مەرم ژێ ئەوە دەولەتێن ئەوروپی دانپێدانێ ب جینۆسایدا شنگالێ بكەن.
خالد رێكانی، ئەندامێ جڤاتا نوێنەرێن عێراقێ بۆ رۆژناما ئەڤرۆ راگەهاند، بابەتێ جینۆسایدا شنگالێ دێ گەهیتە فەرەنسا و هژمارەكا زۆر ژ مەزن یا بەلگەنامەیان هاتینە كۆمكرن ب هەڤكاری و پشتەڤانیا حوكمەتا هەرێما كوردستانێ و ئەو بەلگەنامە دێ ل فەرەنسا هێنە گەنگەشە كرن ە دێ دیدارەك هێتە دروست كرن ب ناڤێ ئێزدیان تێدا گەنگەشە ل سەر جینۆسایدا ئێزدیان هێتە كرن».
ئاشكرا كر، هەر گوند و دەڤەرەكا تووشی جینۆسایدێ بووی دێ ب راپورت هێنە پێشكێشكرن بۆ فەرەنسا و مەرەم پێ ئەوە دانپێدان ب جینۆسایدا شنگالێ بهێتە كرن و ئەڤە دێ بیتە ئەگەر شنگال بهێتە ئاڤەدانكرن و دێ خەلك شێن ڤەگەرنە سەر جهـ و مالێن خۆ».
