جەمال وەرمێلی (رووپەلێن ژیانێ) بەلاڤكر
شاكر ئەتروشی:
ب هەلكەفتا هاتنا سالا نوو (2024) سەندیكا هونەرمەندێن كوردسستانێ/لقێ دهۆك، ئێڤاریەكا تایبەت بۆ بەلاڤكرنا بەرهەمێ نوو یێ هونەرمەند (جەمال وەرمێلی) ل باخچێ سەندیكایێ رێكخست و ئەلبۆما وی یا نوو ب دیاری ل سەر بەهەڤبوویان هاتە بەلاڤكرن.
جەمال وەرمێلی دیاركر كو ئەڤە دەمەكێ درێژبوو ئەو مژوولی چێكرنا ڤێ ئەلبۆمێ، لێ ژبەر شەڕێ داعش و قەیرانا دارایی هەتا نوكە هاتە پاشخستن، ئەلبۆم ب ناڤێ (رۆپەلێن ژیانێ) یە، ژ دوازدە تراكان پێك دهێت، سێ ستران ژێ هاتینە كلیپكرن.
ئەڤین حسێن، سەرۆكا سەندیكا هونەرمەندێن كوردسستانێ/لقێ دهۆك، د پەیڤەكێ دا دەستخۆشی و پیرۆزیاهی ل سترانبێژی كرن و دوپاتكر كو ئەو وەك سەندیكا هونەرمەندان بەردەوام پالپیشت و پشتەڤانێن هەموو هونەرمەندانە و دێ ب هەموو شیانێن خوە بەرەڤانیێ ژبۆ ب دەستڤەئینانا مافێن وان یێن هونەری كەن.
