جەنەرالەکێ ئەمریکی:پێدڤیە ئه‌مریكا پشتەڤانیێ ل ریفراندۆما كوردستانێ بكەت
ئەڤرۆ نیۆز،زنار تۆڤی:
جێی گارنه‌ر جەنەرالێ خانه‌نشینکری یێ ئه‌مریكی،د پانێلەکێدا کو ل واشنتۆن ب ئاماده‌بوونا مەسرۆر بارزانی،راوێژکارێ ئەنجومەنێ ئاسایشا هەرێما کوردستانێ برێڤە چوویە،راگەهاندیە:پێدڤیە ئه‌مریكا پشتەڤانیێ ل كوردان بکەت.
هەروەسا گۆت ژی،نوکە عێراق ژلایێ سیاسیێن شیعەیان ڤە هاتیە قۆرخكرن و پێدڤیە ل سه‌ر ئه‌مریكا پشتڤانیێ ل كورد و سونه‌یان ژی بکەت.
دیارکر ژی،دڤێت ئه‌مریكا پشتەڤانیێ ل ریفراندۆما كوردستانێ بکەت و دڤێت مە هەڤپەیمانیەکا زێدەتر ل گه‌ل كوردستانێ دا هه‌بیت.
جێی گارنه‌ر،ل سالا ٢٠٠٣ وه‌ك به‌رپرسێ بنیادنانا عێراقێ د ئیدارا برێمه‌ری دا ده‌ست ب كار بوویە،گوت ژی:رێكه‌فتنا سایكس_ پیكۆ ب دوماهی هاتیە.
هه‌روه‌سا بەحسێ ئازایه‌تیا پێشمه‌رگەی به‌رامبه‌ر داعشێ كریە و گوتیە: مە هه‌موو یان ل سالا 2014 دیت کو پێشمه‌رگه چاوا به‌رامبه‌ری درنده‌ترین گرۆپێ تیرۆریستى راوەستیایە و شەر ل گەل کریە.
