حاجی زاخۆیی بێده‌نگیا چه‌ند سالان نه‌هێلا
دهۆك، كاوین جیهاد:
هونه‌رمه‌ند (حاجی زاخۆیی) د دیداره‌كێ دا بۆ رۆژناما ئه‌ڤرۆ دیاركر كو پشتی بێده‌نگیه‌كا درێژ، نوكه ئه‌و مژوولی تۆماركرنا ئه‌لبۆمه‌كا نوو یا سترانانه، سترانه‌ك وه‌ك ده‌نگ ب دوه‌ماهی هاتیه و ل نێزیك دێ هێته كلیپكرن و كار ل سه‌ر سترانێن مایی یێ به‌رده‌وامه.
حاجی گۆت: سترانا (ئه‌ز ناهێلم) هاتیه تۆماركرن و سترانه‌كا دی ژی ب ناڤێ (ئه‌رێ كه‌وو) ل ستۆدیۆیا هونه‌رمه‌ند محه‌مه‌د زه‌كی یا دهێته تۆماركرن، بۆ سالا نوو ژی دێ شه‌ش تراكێن دی تۆماركه‌م، دو سترانێن دی ژی نوكه كار یێ ل سه‌ر دهێته كرن، له‌ورا نوكه نه‌شێم ئاشكراكه‌م، بۆ زانین پشتی هاتنا كۆرۆنایێ ژبه‌ر نه‌بوونا چو ئاهه‌نگێن مه‌زن ئه‌ز پشكدار نه‌بوویمه، لێ هنده‌ك جاران پشكداری به‌رنامێن هونه‌ری بوویمه ل رادیۆ و ته‌له‌فزیۆنان، هه‌روه‌سا هنده‌ك روونشتن و مێڤانداریێن تایبه‌ت به‌رهه‌ڤ بوویمه.
