حالێ وى ب حالێ ههمى كهسێن د وێ هۆلێَ ڤه!
ئایدن عینایهت
ل ڤێرێ ئهو پیرهمیرێ خانهنشین شهرمكر و خوههكا تهزى ڤێ داهات نهژبهر خوه، بهلكو ژ بهر وێ رێڤهبهرێ و ههر داخوازا لێبۆرینێ ژوێ دكر، چونكو ئهو رێڤهبهر كهفته كراسێ شهرمێ، ل ڤێرێ دێ بێژم حوكمهتا مه و ل بن سیبهرا حزبا مه، ئهڤه حهفتێ و دو ساله یا دكهت، دا رێزگرتن ل كهسێ كورد ههبیت و دو تایبهتمهندى پهیدا دبن ئێك بۆ ئافرهتێ كو یا جههكێ ههستیار رێڤهدبهت و دهزگهههكێ رێڤهدبهت و خزمهتا ههڤوهلاتیان دكهت و یا دووێ رێزگرتن بۆ پێشمهرگهى پهیدا دكهت ئهڤ فهرمانبهره مهژیێ وى یێ نهساخ فهرمانا ئافرهتهكێ رهتكر، ئێك رێزگرتن بۆ وى جهێ ئهو ئافرهت دامهزراندى ل وێرێ كو وهزارهتا دارایى بوو ئهوا هاتیه دانان ژلایێ سهرۆكاتیا وهزیران و ئهو ژى یا هاتیه دانان ژلایێ P.D.K دا خزمهتا وهلاتیان بكهت بهلێ، ئهوى فهرمانبهرى ئهو زنجیرا وهزیفى پێلێدانا و ژلایهكێ دى ڤه رێزگرتن بۆ وى پێشمهرگهى نههێلا و ئهگهر ئهو پێشمهرگه نهبا و سینگێ خوه نهكربا مهتال بۆ مللهتى و چاڤهكێ نهترس بهرامبهر دوژمنى راوهستیا ئهو فهرمانبهر و كهسێن گهل وى نهدشیان خواندنا خوه دهرباز بكهن و بهێنه وى جهى ههروهسا .. بۆ جهێ شولهژێ،
بلا رهخنێ ل خوه بگرین دا پاشهرۆژهكا رۆن بژین دیمۆكراسیهت وهك مهزانى و ژیانێ نیشا مهداى نهب تنێ سندۆقا ههلبژارتنایه، بهلكو ئێك ژ مهرجان رهخنهیه و بتایبهت رهخنهكا ئاڤهدانى دا شاشیان چارهبكهین: تشتهكێ ههى دبێژنێ قانوون و گهلهك جوانه ههر كهسهك رێزگرتنێ وپێگیریێ لێ بگرین، بهلێ تشتهك دى ههیه دبێژنێ مهرگێ قانوونێ یان (روح القانون) د ڤێ نڤێسینێ دا مه دڤێت دیاركهین ههمى وهلاتى بهرامبهرى رێنمایێن قانوونى وهكههڤن، بهلێ هندهك (ئستیسنا) ههنه كو پێدڤیه و ل دووڤ كاودانان مرۆڤى ژ قانوونا خوه لاددهت. وهك: بهنكهك ژبهنكێن دهۆكێ: دهم: دهمێ مووچا خانهنشینان: دیمهن ئهڤا ل خوارێ دیاره پێشمهرگهك یێ دانعهمر و نابیت ب ژۆرا بهنكێ بكهڤیت رێڤهبهرا بهنكێ (ئافرهت بوو) ب دلێ فرهه و رێزگرتن و رهوشتهكێ جوان و ههستهكا مرۆڤایهتى هاریكاریا وى پێشمهرگهى بۆ ئینا د ژۆرا خوهڤه و ب پارچهكا وهرهقێ فرێكر بۆ فهرمانبهرێ بهرپرس ل سهر دانانا مووچان، دا مووچێ وى خانهنشینى بهنێریت حهتا ڤێرێ تابلۆیهكا جوان و وێنهكا مرۆڤایهتى، ههبوو بهلێ وى فهرمانبهرى ئهو پارچا وهرهقێ زڤراند ل گهل پهرێن خوه یێن قژ و ماسۆلكێن گهش داخوازا وێ رێڤهبهرێ رهت كر و گۆتى برێڤهنابهم، ل ههمى وهلاتێن جیهانێ دا رێزگرتنهكا تایبهت ههیه بۆ (پهككهفتیان ـ كێم ئهندامان ـ نابینان) و دبێژنه ڤێ تۆیژێ خودان پێدڤێت تایبهت، بهلێ ئهوى فهرمانبهرى وهكر دا بێژن ئهڤ دهزگههه یێ خرابه چونكو ئافرهتهك برێڤهدبهت دا دلێ هنده كهسان بهێلیت و دهزگهههكێ فهرمی یه. ڤێجا پێدڤى یه بۆ جهێ شۆلهژێ ئهڤێ پهنجهشێرێ نههێلن د ناڤ دهزگههێن حكومى (دا نهڤهگریت) و گێسكا چاكسازیێ بدهنه مرۆڤێن هۆسا. سلاڤ ل وێ رێڤهبهرا ئافرهت و ب سهربلندى دبێژینێ (كاروان ب رێڤهدچیت) و دبێژینه وى فهرمانبهرى (دونیا رۆژهك ل گهل تهیه و رۆژادى دژى تهیه) و دێ ههر رۆژهك ئێت و ل وێ هۆلێ راوستى ل هیڤیا مووچێ خوه ئهگهر بمینى ساخ و كێمئهندام نهبى دا ههوجهى فهرمانبهرا بى. سلاڤ بۆ وێ ئافرهتێ و كارێ وێ یێ پیرۆز.
