حامد نسری یێ به‌رهه‌ڤیان بۆ پشكداریێ د درامایه‌كێ دا دكه‌ت
ئه‌ڤرۆ، رێوار محه‌مه‌د ره‌شید:
حامد نسری، ئه‌كته‌ره‌كێ پارێزگه‌ها دهۆكێ یه د دیداره‌كێ دا بۆ رۆژناما ئه‌ڤرۆ دیار كر كو داخوازنامه‌ك بۆ وی ژ وه‌لاتێ ئه‌لمانیا هاتیه كو پشكداریێ د درامایه‌كا 31 خه‌له‌كه‌یی دا ل دۆر په‌نابه‌ران بكه‌ت، به‌لێ وی ژ ئالیێ خوه‌ڤه رێڤه‌به‌ریا گشتی یا ره‌وشه‌نبیری و هونه‌ری ل پارێزگه‌ها دهۆكێ ل دۆر ڤی بابه‌تی ئاگه‌هداركیه داكو مافێ وی یێ پاراستی بیت و گۆت: “رێڤه‌به‌ریا ناڤهاتی داخوازا رۆلێ من و سیناریۆ و ده‌رهێنه‌رێ درامایێ كریه و هه‌ر ده‌مێ ئه‌ڤ پێزانینه گه‌هشتنه مه ب رازه‌مه‌ندیا هه‌مان رێڤه‌به‌ری دێ پشكداریێ د وێ درامایێ دا كه‌م”.
ناڤهاتی ئاماژه دا وێ چه‌ندێ كو ل سالێن بۆری وی وه‌كو ئه‌كته‌ر پشكداری د چه‌ندین فلمێن سینه‌مایی و زارڤه‌كرن و درامایان داكریه، به‌لێ ل ئه‌و پتر رۆلێ خوه د رامایان دا دبینیت و گۆت: “ئه‌ز حه‌ز ژ رۆلێن تراژیدیایێ دكه‌م، ژ به‌ر كو ئه‌ز دبینم پتر دگه‌ل كه‌سایه‌تیا من د گۆنجاینه و ده‌رهێنه‌ر ژی به‌رده‌وام هه‌مان رۆلێ ناڤهاتی دده‌نه‌فمن”.
حامدی خویا كر كو بۆ هه‌یڤا ره‌مه‌زانا پیرۆزا ئه‌ڤ ساله ژ به‌ر هنده‌ك كاودانێن تایبه‌ت ئه‌و پشكداریێ د چو درامایان دا ناكه‌ت و گۆت: “ل ده‌مه‌كی من پشكداری د كارێن هونه‌ری یێن بازرگانی دا دكر، به‌لێ نوكه ئه‌و كار ژی به‌ر ب كێمبوونێ چووینه”.
