حدکا راگەھاندنەک بەلاڤکر
ئەڤرۆ نیوز، نەوزاد ھلۆری:
لسەر بوردومانا ئەڤرۆ یا سەر بارەگایێ سەرەکیێ خوە ، دەمەکێ کێم بەری نوکە حزبا دیموکراتا کوردستانێ یا ئیرانی راگەھاندنەک بەلاڤکر و د راگەھاندنا وان ھاتیە کو ھژمارەکا ئەندامێن وان ھاتینە شەھید و بریندارکرن.
حدکا د راگەھاندنا خوە دا ئاماژە ب وێ یەکێ کریە کو ئەو بو رایا گشتی رادگەھینن کو ئەڤرۆ دەمژمێر 10:45 خولەکێ سپێدێ یا رۆژا 8ێ سپتەمبەرێ 2018 ل کەلھا دیموکراتێ ، بنگەھێ دەفتەرا سیاسی یا حزبا دیموکراتا کوردستانێ، ل دەما ب رێڤچوونا پلینوما کومیتەیا ناڤەندی دا ، بوردومان و ھێرشا موشەکی یا ھەوایی یا کومارا ئیسلامیا ئیرانێ بو سەر بارەگایی ھاتەکرن ، و د بوردومانێ دا فروکەیا بێ فروکەڤان ھاتیە بکارئینان ، و پاشان بوس ەر بارەگایێ کرتاریەتا حزبێ ژی ھاتیە کرن و چەند موشەک کەفتینەخوارێ.
دراگەھاندنا وان دا ھاتیە ژی کو ب لێبورین ڤە ھژمارەکا تێکەشەرێن حزبا وان ھاتینە شەھید و بریندارکرن ، و دێ د راگەھاندنێن بھێت دا پێزانین زێدەتر بەلاڤکەن.
