حزبەکا دی بریار دا پشکداریێ د کابینا حوکمەتێ دا نەکەت
ئەڤرۆ نیۆز، قائید میرۆ:
عەبدولا وەرتی، پەیڤدارێ بزاڤا ئیسلامی ل ھەرێما کوردستانێ بۆ ئەڤرۆ نیۆز دیار کر” مە بڕیار دایە ل چوار سالێن داھاتی دا وەک ھێزەکا سیاسی وەک ئۆپۆزسیۆن کار بکەین ل ھەرێما کوردستانێ و دێ تەمامی ھەڤکاری و پشتەڤانێن ھێزێن ئۆپۆزسیۆن بین ل ھەرێما کوردستانێ بۆ چاڤدێریکرنا کارێن ئەڤان لایەنێن دچنە ناڤا کابینا حوکمەتا ھەرێما کوردستانێ، ل قۆناغا بۆری ژی ئەم ھەر وەک ئۆپۆزسیۆن ماینە.
عەبدولا وەرتی ئاشکرا کر” ئەم وەسا دبینین ھەکە ئۆپۆزسیۆن بین ل دەرڤەی حوکمەتێ دێ زێدەتر خزمەتا وەلاتیێن ھەرێما کوردستانێ کەین، بێگومان قەیرانێن دژوار ل ھەرێما کوردستانێ ھەنە و بۆ ھندێ سیستەمەکێ دەستھەلاتێ یێ ساخلەم ھەبیت ل کوردستانێ دڤێت ئۆپۆزسیۆنەکا ساخلەم و بھێز ژی ھەبیت، ئەڤە ژی بۆ تێکدانێ نەبیت، بەلکۆ بۆ چاڤدێریا کارێن حوکمەتێ و باشترکرنا ئەدایێ کارێ بەرپرسان بیت.
