حسین قائیدی: كار ل سەر چەندین كەیسێن رزگاركرنا رەڤاندیێن کوردێن ئێزدی دهێتە كرن
دهۆك، لەزگین جۆقی:
بەرپرسێ نڤیسینگەها رزگاركرنا رەڤاندیێن ئێزدی بۆ ئەڤرۆ ئاشكرا كر، كار ل سەر چەند كەیسان بۆ رزگاركرنا رەڤاندیێن ئێزدی دهێتە كرن ل دەمێن بهێن ئەو كەیس دێ هێنە راگەهاندن.
حسین قائیدی، بەرپرسێ نڤیسینگەها رزگاركرنا رەڤاندیێن ئێزدی گۆت: «پشتی نەمانا تیرۆرستێن داعشێ، چەندین دوسیەیێن لێگەڕیان و رزگاركرنێ هاتنە ڤەكرن، ئێك ژ وان دوسیەیا ل سووریێ بوو، كو هەژمارەكا مەزن یا رەڤاندیێن ئێزدی د ناڤ ئاخا سووریا دا ماینە».
گۆتژی: «ژ شەش هزار و 417 رەڤاندیێن ئێزدی، هەتا نوكە سێ هزار و 589 كەس رزگار بووینە و چارەنڤیسێ پتر ژ دو هزار و 500 رەڤاندیێن ئێزدی ژی دیار نینە».
