حسێن والی: یانەیێن بیانی زێدەتر گرنگیێ ب یاریزانێن مە ددەن
د داخویانیەكێ دا راهێنەرێ یارییا تایكۆاندۆیێ یێ پارێزگەها دهۆكێ حسێن والی عەلی دیار كر ژبەر نەبوونا پشتەڤانیێ نە چاربوون ب ناڤێ یانەیا سەورە یا كەركووكی پشكداری قارەمانییا پۆمسی یا یارییا تایكواندۆیێ ل سەر ئاستێ كوردستانێ ل باژێرێ كەركووكێ بن ئەوا تێدا 11 یانە پشكداربووین ژ وانا یانەیا تەناهی بوو.
هەروەسان ناڤهاتی گۆت: د ڤێ قارەمانیێ دا شیاین ب راهێنەر و یاریزانێن پارێزگەها دهۆكێ بۆ یانەیا سەورە رێزا ئێكێ ب دەستڤە بینن و یانەیا تەناهی رێزا سێیێ بهێن، وەكو راهێنەرێ یانەیا كەركووكی ب یاریزانێن خوە یێن كچ مە پشكداری كربوو ژبەر نەبوونا هاریكاریێ بۆ تیما مە، ب مخابنی ڤە كە چەند یاریزانێن كور و كچ هەنە ل ئاستێن گەلەك باش، یانەیێن بیانی زێدەتر گرنگیێ ب یاریزانێن مە ددەن، ئەڤە ژی بۆ هندێ ڤەدگەڕیت كو هندەك یانە راهێنەرێن خوە هەنە و هەر دمینن ئەو راهێنەر و ژبەر ڤێ چەندێ گرنگیێ بتنێ ب یاریزانێن خوە ددەن، لەوما نەچاربووین بەر ب یانەكا بیانی بچین و ب هزرامن ئەو باشتر چاڤدانێ دكەن ژ یانەیێن پارێزگەهێ.
ل دۆر كرنا دو یاریێن جۆدا حسێن والی گۆت: هەرچەندە یاریزان و راهێنەرێ یارییا شمشێربازیێ ژی مە لێ حەز ژ هەردو یارییان دكەم و تایبەتمەندیا من یا دروست تایكواندۆ یە لێ ژبەر نەبوونا چالاكییان من یارییا شمشێربازیێ دكر، ب گشتی خەلك ئاگەهـ ژ یاریێن تاك نینن بەرۆڤاژی ل ئیراقێ گەلەك گرنگیێ پێ دەن، هیڤییا مە ئەوە ژ رێڤەبەر و بەرپرسێن پەیوەندیدار كو پشتەڤانییا یانەیێن مە پتر هەبیت پێخەمەت پێدڤی نەبیت بۆ یانەكا عەرەبی بكەین ل جهێ ئەنجام بۆ ئەوێ یانێ بیت بلا بۆ یێن پارێزگەهێ بیت.
