حـەفت نیشانێن کـێمبوونا ڤـیتامین A
مرۆڤ دشێت ب دو رێیان ڤیتامین A بۆ لەشی دابین بکەت، ئێك ب رێیا حەبکان ئێك ژی ب رێیا خوارنێن وەك گوشتێ سۆر، ماسی، ھێك، بەرھەمێن شیری و ھندەك جۆرێن فێقی وەك فێقیێ رەنگ سۆر و زەر نەبوونا ڤیتامین A دێ کێشەیان بۆ تە دروست کەت وەک:
-1 ھشكبوونا پیستی: ڤیتامین A گەلەك یا گرنگە ل دروستبوونا خانێن نوی دا، لەورا کێمیا وێ دێ بیتە ئەگەرێ ھشكبوونا پیست و نەخۆشیا ئێکزیمایێ.
-2 ھشکبوونا چاڤان: کێمیا ڤیتامین A دێ بیتە ئەگەرێ کورەبوونێ، ھشکبوونا چاڤان و ژناڤچوونا بیبلکا چاڤان.
-3 شەڤکویری: ڤەکۆلینەکێ ئەڤە پشت راست کریە، کو شەڤکویری ژ ئەگەرێ سەرەکی یێ کێمبوونا ڤیتامین A یە.
-4 ئاریشێن دوگیانیێ: ڤیتامین A بۆ ھەردو ڕەگەزێن ژن و زەلامان یا گرنگە، ھەکە ھەر ئێك ژ وان ئەڤ ڤیتامینە یێ ژێ کێم بیت، رەنگە نەشێن ببنە خودان زارۆك.
-5 کێمیا گەشەیا زارۆکی: ڤیتامین A ئێکە ژ وان ڤیتامینێن گەلەك گرنگ بۆ گەشەکرنا زارۆکی، لەوما کێمیا ڤێ ڤیتامینی ھۆکارە بۆ لاوازیا گەشەیا زارۆکی.
-6 کولبوونا گەوریێ و سینگی: زوو زوو توشبوون ب کولبوونێ بتایبەتی ل گەوری یێ و سینگیدا ھۆکارە بۆ کێمیا ڤیتامین A د لەشی دا.
-7 پرسك: د دو ڤەکۆلینان دا ئەو چەندە دیارکریە، کو کێمیا ڤیتامین A دێ بیتە ئەگەرێ ھەبوونا پرسکان ل سەر پستێ مرۆڤی
