حكومه‌تا ئیراقێ: ب هه‌ماهه‌نگى دگه‌ل حكومه‌تا هه‌رێمێ دی كه‌مپێن ئاوارا دائێخین
ئه‌ڤرۆ نیوز:
حكومه‌تا ئیراقێ راگه‌هاند، ل ده‌ستپێكا سالا بهێت ب هه‌ماهه‌نگى دگه‌ل حكومه‌تا هه‌رێما كوردستانێ دێ كه‌مپێن ئاواران هینه دائێخستن.
حه‌سه‌ن نازم، وه‌زیرێ ره‌وشه‌نبیری یێ ئیراقێ راگه‌هاند؛ جڤاتا وه‌زیران ل دۆر ئاواره‌یان كۆمبوو و بڕیارهات دان ل ده‌ستپێكا سالا بهێت كه‌مپێن ئاواران ب هه‌ماهه‌نگی د گه‌ل حكومه‌تا كوردستانێ بهێن داخستن و ل هه‌فتییا بهێت سێ كه‌مپێن دی ل پارێزگه‌ها سه‌لاحه‌ددین دێ هێن داخستن كو د ماوه‌یێ هه‌یڤه‌كێ دا زێده‌تر ژ 25 هزار ئاواران ب هه‌ماهه‌نگى دگه‌ل وه‌زاره‌تا كۆچ و كۆچبه‌ران و ده‌زگه‌هێن ئه‌منى ڤه‌گه‌ریاینه ده‌ڤه‌رێن خۆه.
دیار ژی كر، پلانه‌ك هه‌یه بۆ داخستنا كه‌مپان ل هه‌رێمێ ب هه‌ماهه‌نگی د گه‌ل حكومه‌تا كوردستانێ و نها تنێ شه‌ش كه‌مپ ل پارێزگه‌هێن نه‌ینه‌وا، كه‌ركوك، دیالا و ئه‌نبار ماینه.
ل گوره‌ى ئامارێن نه فه‌رمى، ژماره‌یا ئاواره‌یان ل هه‌مى ئیراقێ دگه‌هیته 5 ملیۆن و 500 هزار كه‌سان، و نێزیكى ملیۆن كه‌سان ل ماوێ شه‌رێ داعش ئیراق ب جهـ هێلایه و به‌ره‌ف وه‌لاتێن ده‌وروبه‌ر و ئۆرۆپا چووینه.
