حكومەتا هەرێمێ پشتەڤانیێ ل بەرهەمێ ناڤخۆ دكەت
دهۆك، لەزگین جوقی:
رێڤەبەریا گشتی یا چاندنێ ل پارێزگەها دهۆكێ بۆ ئەڤرۆ ئاشكرا كر، پارێزگەها دهۆكێ ب بەرهەمێ ناڤخۆ یا ناڤدارە، سالانە رێژەكا زۆر یا كەسكاتی و فێقی لێ د هێتە بەرهەمئینان، ب مەرەما پەیداكرنا بازاری بۆ ڤی بەرهەمی ژی كابینەیا نەهێ یا حكومەتا هەرێما كوردستانێ ئاسانكاریێن باش كرینە، هەر ژ دوستپێكا ئەڤ سالە هەتا دوماهیا مەها گولانێ 17 هزار و 94 تەنێن بەرهەمێ خۆمالی یێ پارێزگەها دهۆكێ بۆ پارێزگەهێن ناڤەڕاست و باشوورێ ئیراقێ هاتینە هنارتن.
رێڤەبەریا گشتی یا چاندنی ل پارێزگەها دهۆكێ ئاماژە ب وێ چەندێ ژی كریە كو پترییا ئەو بەرهەمێن سەرەكی یێن پارێزگەها دهۆكێ، ئەوێن بۆ پارێزگەهێن ناڤەڕاست و باشوورێ ئیراقێ هاتینە هنارتن، ئەڤە بوون: پتات، تەماتە، خیار، باقلك، حلیك، شتی، خۆخ، گندۆر، تی و ترۆزی.
