حنێرا هونه‌رێ نیگارێ!!
ئێك ژ بابه‌تێن خووندنێ نیگارا هونه‌ری یه، كو جۆره‌كه ژ هونه‌رێن ده‌ربرینێ بۆ ده‌روونا خویندكاری، نه‌ك ب تنێ بۆ خویندكاران لێ گشت خه‌لكی، رۆژئاڤیێ دانایه وه‌كو هونه‌ره‌ك دیالیكتیكێ دكه‌ت ل گه‌ل ده‌روونێ مرۆڤی ژ به‌ر تشتێ د ناڤه‌رۆكێ دا ڤه‌شارتی، چونكو هه‌ر كه‌سێ فرچه‌ی رادكه‌ت و ل سه‌ر تابلۆیی نیگارێ دكه‌ت، ئه‌و یێ كه‌تواره‌كی نیگار دكه‌ت ب وی ره‌نگێ ئه‌وی دڤێت. چینیان ژی وه‌سا دانایه بۆ چاره‌سه‌ركرنا نه‌خۆشیێن ده‌روونی، رۆمانیان ژی دانایه وه‌كو دیاركرنا كه‌ساتیا مرۆڤی، كو ل دووڤ دا چه‌ندین جۆرێن دی ژێ ده‌ركه‌فتن وه‌كو هونه‌رێ عیماره‌یا رۆمانی، هه‌ر دیسا ئه‌ڤرۆ ئه‌م یێن كلتۆره‌كێ شارستانی یێ فارسی، كو هند داهێنان تێدا كرینه گه‌هشتیه وی ئاستی كو هووری دندكا برنجی نیگاركریه و زه‌خرفه و جۆرێن وێ و رێستن و نه‌خشكرتا مه‌حفیر و شه‌ملكان، ناڤوده‌نگێن سجادا ئیرانی ل جیهانێ بر. هه‌ر دیسا هونه‌رێ ئوسمانی ژی ب ئه‌ندازیا خوه یا هوو هاته ناسین كو مرۆڤ ب دیتنا وێ سێره‌دار دبیت. ئه‌ڤجا د ناڤبه‌را ڤی وی دیتر دا دیرۆكا هونه‌رێ كوردی ژی سه‌رێ خوه هه‌لدده‌ت و هونه‌رمه‌ندێ كورد دیاردبیت و ستایله‌كێ تایبه‌ت ب خوه‌ڤه دداهێنیت ب شوونتلێن تایبه‌ت ئه‌و ژی كومتا چیایی یه، چونكو ژیانه‌كا ته‌ڤلی وێ تابلۆیێ كری كو ژیوار و سروشتێ ڤی ملله‌تی تێدا ره‌نگكریه، نهێنیێن ئافراندنا خودایێ هه‌موو تێدا دڤه‌شارتینه، كو هه‌ر ده‌مێ مرۆڤ تابلۆیه‌كێ چیایه‌كی ببینیت ئێكسه‌ر بیرا مرۆڤی ل مله‌تێ كورد و ره‌نشه‌نبیریا وی دئینیت، فه‌ره ئه‌ڤه بهێته شلۆڤه‌كرن ل ده‌ف جهێن په‌یوه‌ندیدار كو پتر بایه‌خه‌كی پێ بده‌ن، شوونتبلێن هونه‌رێ كوردی ژ گوند و باژێر و چیایێ كوردی ئه‌ڤه‌نه‌سیمایێن هونه‌رێ كوردی ب نیگارێ هه‌می ب فرچه‌یێ نیگاركێشێ كورد بهێنه ناساندن، چونكو ئه‌ڤ هونه‌رێ كوردی ناهێته ڤه‌شارتن ب درێژیا سه‌رده‌مان كو گه‌له‌كێ ژ هه‌ستا ره‌وشه‌نبیری ب ئه‌ندازیا هونه‌ری ڤه گرێدده‌ت، چونكو ئه‌و ره‌نگه‌كه سروشت و ره‌وشه‌نبیری و ره‌سه‌ناتیا مله‌تێ كورد دادنیت یێ كو ل گه‌ل شارستانیا چه‌ندین ملله‌تان برێڤه‌چوویه و تایبه‌تمه‌ندیا خوه و ره‌وشه‌نبیریا كوردی پاراستیه، ب گرۆڤا به‌لگه‌یێن شوونه‌وران و نڤیسینێن نیگاری یێن هاتینه دیتن ل چه‌رخێن ده‌سپێكا دیاربووكا نڤیسینا نها یا ئه‌م ب هه‌می ره‌خورووێن ژیانێ ڤه دخوونین و و ب هه‌می رێیێن ته‌كنۆلۆجی. له‌ورا دیرۆكا نڤیسینا وینه‌یی هاتیه ژ ناڤ و سروشتێ نڤیسینێ، چونكو په‌یڤا وێنه وانه تابلۆ، ده‌مێ ناڤێ چیچكێ دڤیان بنڤیسن دا وینه‌یێ وێ نیگار كه‌ن و ب ڤی ره‌نگی، پاشی راستڤه‌كرنێن رستا په‌یڤێ دهاته كرن یا دخواست بنڤیسن، ب ڤی ره‌نگی نیگاری جهه‌كێ دیرۆكی یێ گرنگ دانا و لاپه‌ره‌ك د دیرۆكێ دا پێكدادا كو نیگاری قه‌نجیه‌كا مه‌زن ل مه كریه، ژ وی ئاستێ ئه‌م نها گه‌هشتینێ ژ پێشڤه‌چوونا هونه‌ری و هزری و ره‌وشه‌نبیری ل جیهانێ.. له‌ورا فه‌ره ئه‌م گرنگیێ بده‌ینێ وه‌كو وانه‌كا گرنگ نه‌ك وه‌سا سه‌رده‌ریێ ل گه‌ل بكه‌ین وه‌كو بابه‌ته‌كێ ڤالا، دڤێت هه‌ر وه‌كو بیركاریێ و كیمیایێ و فیزیایێ بیت، چونكو زانسته‌كێ جودایه و كه‌ساتی و ده‌ربرینا خویندكاری دیار دكه‌ت د گه‌له‌ك واران دا و دبیت لایه‌نێن باش و یێن خراب یێن خووندكاران یاربكه‌ت، كو دبیت ژی ئاستێ خویكاری یان زارۆ بۆمه‌دیار بكه‌ت و ئاستێ زانستێ یێ مێشكێ وی و كه‌ساتیا وی شلۆڤه‌بكه‌ین و گه‌له‌ك ئاریشێن وی چارسه‌ر بكه‌ین یێن بزه‌حمه‌ت، دبیت سه‌حكه‌ینه ده‌فته‌را نیگارا خویندكاری دبیت دووماهی هه‌لویستێ وێ دیاربكه‌ت كا یێ نه‌ساخه، به‌خته‌وه‌ره، خه‌مگینه.. هتد. دڤێت په‌روه‌رده گرنگیا ڤی بابه‌تی باشتر ل به‌رچاڤ وه‌ربگریت.
و: ئه‌ڤرۆ
