حه‌زا وى ئه‌وه سترانه‌كا هونه‌رمه‌ندێ كورد شڤان په‌روه‌رى كلیپ بكه‌ت
ئه‌ڤرۆ نیۆز،زنار تۆڤى:
سترانبێژێ گه‌نج ئدریس محه‌مه‌د وه‌یس كو چه‌ندین جاران پشكدارى د هه‌لكه‌فت و بیره‌وه‌ریان و به‌رنامێن رادیۆیى دا كریه و د دیداره‌كێ دا بۆ ئه‌ڤرۆ نیۆز دبێژیت:هه‌ر ژ زارۆكینیا خوه من حه‌ز ژ هونه‌رمه‌ند شڤان په‌روه‌رى كریه و هه‌روه‌سا ب رێیا رادیۆیا ئێریڤانێ من گوهداریا سترانێن وى دكر و من گه‌له‌ك كه‌یف ب سترانێن وى دهات،ژبه‌ر ستران و حه‌ز كرنا وى بۆ كوردستانێ ئه‌ز ژى بوویمه عاشقێ ده‌نگێ وى و هه‌روه‌سا د سیمایێ خوه ژى دا ئه‌ز گه‌له‌ك نێزیكى شڤان په‌روه‌رى مه و ژبه‌ر ستایلێ وى من ژى رهێن خوه به‌رداینه و گه‌له‌ك داخبارێ هونه‌رێ وى مه و گۆت ژى:هه‌موو سترانێن وى من ژبه‌ر كرینه و ئه‌ز گه‌له‌ك حه‌ز ژ سترانێن وى یێن شۆره‌شگێرى دكه‌م و وان سترانێن وى گه‌له‌ك كارتێكرن ل من كریه،هه‌روه‌سا من شڤان په‌روه‌ر دیتییه و چه‌ندین جاران ئه‌م ل گه‌ل ئێك روونشتینه و مه ستران ژى پێكڤه گۆتینه و كه‌یفا وى گه‌له‌ك ب من دهێت و هه‌روه‌سا ئه‌و ژى گه‌له‌ك حه‌ز ژ من دكه‌ت،هێشتا دبێژیت:ل رادیۆ و هه‌لكه‌فتان من سترانێن شڤان په‌روه‌رى گۆتینه و هه‌كه ئێك پشته‌ڤانیا من بكه‌ت،ئه‌ز حه‌ز دكه‌م سترانه‌كا شڤان په‌روه‌رى كلیپ بكه‌م،هه‌ر چه‌نده ئه‌ز حه‌ز ژ هه‌موو سترانێن وى دكه‌م،لێ پتر ئه‌ز حه‌ز دكه‌م سترانا”غه‌زالا من ده‌لا لامن” كلیپ بكه‌م،هه‌ر چه‌نده هه‌تاكو نوكه من خوه پێدڤى كه‌سێ نه‌كریه كو هاریكاریا من د وارێ هونه‌رى و سترانگۆتنێ دا بكه‌ن،دیسا بتنێ حه‌زا من ئه‌وه كو ل ئاهه‌نگ و هه‌لكه‌فتان دا ئه‌ز سترانان بێژم.
