حه‌زا گه‌نجان ل سه‌ر خاكێن كوردی زێده بوویه
دهۆك، هه‌رهین محه‌مه‌د:
هونه‌رجه‌لال، خودانێ پێشانگه‌ها سه‌فین یا كرێكرنا جلكێن كوردی یێن زه‌لامان، د دیداره‌كێ دا بۆ رۆژناما ئه‌ڤرۆ دبێژیت: ئه‌ڤه دوازده ساله ئه‌ز ڤی كاری دكه‌م و پتریا كه‌سێن دهێن جلكێن كوردی كرێ دكه‌ن گه‌نجن، ب تایبه‌ت بۆ ده‌واتان و گه‌نجێن مه گه‌له‌ك حه‌زژ خاكا دكه‌ن و ره‌نگێ نیلی، به‌لێ جلكێن زاڤا و كه‌سێن دی ژێك جوودانه و زاڤا گه‌له‌ك حه‌زژ به‌رگیزان دكه‌ن و حه‌زدكه‌ن رۆژا نیشانیا خوه بكه‌نێ.
زێده‌تر گۆت: هه‌تا نێزیكی حه‌فت سه‌د ده‌ستێن خاكا مه هه‌نه و پتریا وان دهێنه كرێكرن، به‌ری نوكه بتنێ مه ناسناما وان ژێ وه‌ردگرت لێ نوكه به‌س ژمارا مۆبایلێ ژێ وه‌ردگرین، به‌لێ وه‌كو به‌رێ ناهێن كرێكرن، چونكو ل ڤێ دووماهیێ ده‌وات گه‌له‌ك یێن كێم بووین.
