حه‌ز دكه‌ت ئه‌لبۆما وی ب دلێ خه‌لكی بیت
دهۆك، زنار تۆڤی:
سترانبێژ له‌وه‌ند به‌كر، كو خه‌لكێ باژێرێ عه‌فرینێ یه ل رۆژئاڤایێ كوردستانێ و ئه‌ڤه چه‌ندین ساله ل باكوورێ كوردستانێ دژیت و پتری بیست سالانه سترانان دبێژیت، د دیداره‌كێ دا بۆ رۆژناما ئه‌ڤرۆ دیاركر كو وی ئه‌لبۆمه‌كا نوو یا سترانان ب ناڤێ (هه‌لبه‌ستا من) چێكریه، ژ دوازده تراكان پێك دهێت، هه‌موو سترانێن وێ ئه‌لبۆمێ كلیپ كرینه، و ل ڤان رۆژان ئه‌و دێ وێ ئه‌لبۆمێ به‌لاڤ كه‌ت، هه‌لبه‌ستێن وێ ئه‌لبۆمێ ژی یێن هه‌لبه‌ستڤان (رێزان به‌كر و حسێن خانی و عیماد به‌شیری نه) و حه‌ز دكه‌ت ئه‌لبۆما وی ب دلێ خه‌لكی بیت.
ناڤهاتی گۆت: هه‌تا نوكه من چه‌ندین سترانێن دویت و ئه‌لبۆمێن سترانان به‌لاڤ كرینه، ئه‌ز حه‌ز دكه‌م ب باشترین ره‌نگ خزمه‌تا هونه‌رێ كوردی بكه‌م، دیسان دڤێت ئه‌م هه‌موو جۆرێن مۆزیكێ بێخینه د خزمه‌تا هونه‌رێ كوردی دا و خوه ژ مۆزیكا ئارابێسك دوور بێخین، هه‌روه‌سا د نوكه دا هنده‌ك گه‌نج هه‌نه ب ره‌نگه‌كێ نه باش سترانان دبێژن و ئه‌و نه‌شێن چو جاران خزمه‌تا سترانا كوردی بكه‌ن.
