حه‌ز دكه‌ت ببیته سترانبێژه‌كێ مه‌زن
ره‌مه‌زان هه‌رنی:
سترانبێژێ گه‌نج ئاره‌ش فه‌هیم، به‌رنیاس ب ئاره‌ش هه‌ركی، د دیداره‌كێ دا بۆ رۆژناما ئه‌ڤرۆ گۆت: ل سالا 2014 ب پشته‌ڤانیا سترانبێژ عه‌بدوللا هه‌ركی من ده‌ست ب سترانگوتنێ كریه و به‌رده‌وام من بزاڤكرینه كو سترانێن باش تۆماربكه‌م و هه‌تا نوكه من پێنج ئه‌لبۆمێن سترانێن داوه‌تان هه‌نه و ل به‌ره ل نێزیك ئه‌لبۆمه‌كێ به‌لاڤ بكه‌م كو ژ په‌یڤ و ئاوازێن منن.
ناڤهاتی گۆت: بتنێ بۆ ب ده‌ستڤه‌ئینانا پاره‌ی سترانان نابێژم، چنكو پاره رێیه‌كه بۆ ب رێڤه‌برنا ژیانێ و من دڤێت ب رێیا كارێن هونه‌ری خزمه‌تا خه‌لكی بكه‌م و دخوازم ل پاشه‌رۆژێ ببمه هونه‌رمه‌نده‌كێ مه‌زن، هه‌روه‌سا بازرگانه‌كێ سه‌ركه‌فتی بۆ وێ چه‌ندێ به‌رده‌وام ببم ل سه‌ر حه‌زو ڤیانێن خوه.
