حه‌ز دكه‌ت ببیته وێنه‌گره‌كێ سه‌ه‌ركی
زاخۆ، عه‌لی حاجی:
سه‌ردار محه‌مه‌د، وێنه‌گره‌كێ باژێرێ زاخۆ یه، د دیداره‌كێ د بۆ رۆژناما ئه‌ڤرۆ دیاركر كو ئه‌و ب شێوه‌یه‌كێ نه چاڤه‌رێكری به‌ر ب وێنه‌گریێ ڤه چوو، نوكه وێنه‌گری ژی ل كوردستانێ به‌ر ب باشتر ڤه چوویه.
زێده‌تر گۆت: ل ده‌ستپێكێ من ل كه‌ناله‌كێ لۆكالی كاردكر، ئه‌و چه‌نده بوو ئه‌گه‌ر ڤیانا من بۆ كامیرێ زێده‌تر ببیت، له‌وما هێدی هێدی من خوه فێری وی كاری كر هه‌تا كو باش بوویم، پشتی وی ده‌می وه‌كو وێنه‌گر من ل هنده‌ك كه‌نالێن دی یێن لۆكالی كاركر هه‌تا به ر ب كه‌ناله‌كێ ئاسمانی ڤه چوویم، ل ده‌مێ وێنه‌گرتنێ دا ئه‌ز هه‌ست ب خۆشیێ دكه‌م ب تایبه‌تی ژی دیمه‌نێن سروشتی ژبه‌ر كو دیتنا چاڤێ خوه و هزرا خوه دگه‌هینه چاڤێ بینه‌ری، ژبه‌ر ڤێ چه‌ندێ پێدڤی یه وێنه‌گری چاڤه‌كێ باش بۆ دیمه‌نان هه‌بیت، و من پشكداری د درامایێن كوردی دا كری یه وه‌كو وێنه‌گره‌كێ هاریكار به‌لێ دخوازم وه‌كو وێنه‌گره‌كێ سه‌ه‌ركی پشكداری د درامایه‌كا كوردی یا ب هێز دا بكه‌م و ئه‌و شیان ژی ل ده‌ف من هه‌نه بشێم وی كاری ئه‌نجام بده‌م.
