حه‌ز دكه‌ت رۆلێ كه‌سێن هه‌ژار بگێڕیت
ئه‌ڤرۆ، هه‌رهین محه‌مه‌د:
شیرین به‌ره‌كات، ئه‌كته‌ره‌كا خه‌لكا رۆژئاڤایێ كوردستانێ یه، د دیداره‌كێ دا بۆ رۆژناما ئه‌ڤرۆ گۆت: من گه‌له‌ك تشت پێشكێشی هونه‌ری كریه و هونه‌ری چ پێشكێشی من نه‌كریه و د زارڤه‌كرنێ دا حه‌زدكه‌م رۆلێن كه‌سێن هه‌ژار بگێڕم، چونكو پتر پێدڤی مه نه ژ ده‌وله‌مه‌ندان و هندی مرۆڤ گرنگیێ ب ده‌وله‌مه‌ندان بده‌ت ل ده‌ف وان هه‌ر كێمه و ب هه‌ر رۆله‌كی رازی نابم یێن ده‌رهێنه‌ر دده‌نه من و گه‌له‌ك جاران من ره‌تكرینه، به‌لێ هه‌ر بزاڤی دكه‌م رۆلێ كه‌سێن هه‌ژار بگێڕم، چونكو ل گه‌ل كه‌سایه‌تیا من دگونجیت
هه‌روه‌سا گۆت: ل گه‌ل هه‌موو كۆمێن زارڤه‌كرنێ نه‌یا ئارامم، به‌لێ ل گه‌ل خه‌لۆ و جه‌لۆ و بابی ته‌یاری یا ئارامم، چونكو ڤان كاودانان خه‌لكێ مه گه‌له‌ك نه ئارام كریه و مه دڤێت كه‌نیێ بێخینه سه‌ر لێڤێن وان، به‌لێ خه‌لكێ مه حه‌زژ كۆمێدیا خه‌لۆ و جه‌لۆی ناكه‌ن، به‌لێ ئه‌و ژ خوه د پشت راستن و گوهێ خوه ناده‌نی َكا كی ژ وان یێ رازی یه و كی نه، چونكو ئه‌و دزانن وان بینه‌رو حه‌زژێكه‌رێن خوه یێن تایبه‌ت هه‌نه، بۆ زانین به‌ری ئه‌ز بهێمه كوردستانێ من جوانكاریا خانمان هه‌بوو، لێ پشتی هاتیم من ده‌ست ب زارڤه‌كرنێ كره ڤه و ڤی كاری دكه‌م بتنێ ئاره‌زویا منه و چو كارێن دی ناكه‌م.
