حه‌ز دكه‌ت ستایله‌كێ تایبه‌ت هه‌بیت
زاخۆ، عه‌لی حاجی:
وارڤین سالح، كچه‌كا شێوه‌كاره، د دیداره‌كێ دا بۆ رۆژناما ئه‌ڤرۆ دیاركر، ئه‌و دبینیت گه‌له‌گ گوهۆرین د كارێ وێ یێ شێوه‌كاری دا دروست بووینه و چێكرنا كه‌ڤالان د وه‌رزێن سالێ دا ل ده‌ف وێ تایبه‌تمه‌ندیا خوه هه‌یه و پێدڤی یه ژی شێوه‌كار به‌رده‌وام خوه پێشڤه‌ببه‌ت و نوو یاتیان دكارێ خوه دا بكه‌ت.
وارڤینی گۆت: نوكه گه‌له‌ك گوهۆرین ب سه‌ر كارێ من یێ شێوه‌كاری دا هاتینه چنكو به‌ری نوكه بتنێ من حه‌زژ ب كارئینانا ره‌نگێن ره‌ش دكر دناف كه‌ڤالێن خوه دا، به‌لێ نوكه ئه‌ز زێده‌تر ره‌نگان ب كار دئینم و هه‌ر چه‌نده هه‌تا نوكه من نه‌شیایه چو ستایلێن تایبه‌ت ب كارێ خوه ڤه بۆ خوه ب دانم به‌لێ ئه‌ز ب هیڤی مه ببمه خودانا ستایله‌كێ تایبه‌ت و زێده‌تر ژی حه‌زژ چێكرنا وان كه‌ڤالان دكه‌م كو گرێدایی بن ژ هه‌ست و خه‌ونێن من ڤه، ژبه‌ركو ئه‌و دبیته رێیه‌ك كو یا من بڤێت ئه‌ز بگه‌هینم.
ل دووماهیێ گۆت: چێكرنا كه‌ڤالان ژ وه‌رزه‌كێ بۆ وه‌رزه‌كێ دی تایبه‌تمه‌ندیا خوه هه‌یه ژبه‌ركو هه‌موو بابه‌ت د هه‌موو وه‌رزان دا ناگونجن، بۆ زانین نوكه مژوولی چێكرنا هنده‌ك كه‌ڤالانم و من ل به‌ره پشتی چه‌نده‌كا دی پشكداریێ د پێشانگه‌هه‌كا هه‌ڤپشكدا دا بكه‌م و ئه‌ز كاری بۆ وێ چه‌ندێ ژی دكه‌م كو پێشانگه‌هه‌كا جۆرا و جۆر ڤه‌كه‌ین.
