حه‌ز دكه‌ت سترانه‌كا دوقولى ل گه‌ل ڤێ سترانبێژا کورد بێژیت
ئه‌ڤرۆ نیۆز،زنار تۆڤى:
سترانبێژ جه‌مال وه‌رمێلى كو هه‌تاكو نوكه پترى 15 كلیپان چێكرینه و هه‌روه‌سا ل سالا 2008 ئێكه‌م ئه‌لبۆما خوه ژى به‌لاڤكریه و د دیداره‌كێدا بۆ ئه‌ڤرۆ نیۆز دیاركر:كو وى ل سالا 2013 ئه‌لبۆمه‌ك چێكریه كو ژ 12 تراكان پێك دهات و هه‌موو كار تێدا ب دوماهى هاتینه و ل هیڤیا به‌لاڤكرنێ بوو،لێ ل وى ده‌مى چو سپۆنسه‌ر نه‌بوون،كو وى به‌رهه‌مى به‌لاڤ بكه‌ن،هه‌روه‌سا پشتى هنگێ ژى ژ ئه‌گه‌رێ شه‌رێ تیرۆرستێن داعش و هێرشا وان بۆ سه‌ر كوردستانێ و ژ ئه‌گه‌رێ په‌یدابوونا ڤان قه‌یرانان ل سه‌ر هه‌رێمێ،هه‌تاكو نوكه وى ئه‌و ئه‌لبۆمه به‌لاڤ نه‌كریه،هه‌روه‌سا گۆت ژى:هه‌ر ژ وى ده‌مى هه‌تاكو نوكه ئه‌ڤ ئه‌لبۆمه یا به‌رهه‌ڤه بۆ به‌لاڤكرنێ و هه‌كه نوكه ژى وى سپۆنسه‌ره‌ك هه‌با،ئه‌و دا ل ڤێ جه‌ژنێ ئه‌لبۆما خوه یا نوو كو ئه‌ڤه نێزیكى چار سالانه یا به‌رهه‌ڤ،دا به‌لاڤ كه‌ت.
جه‌مالى زێده‌تر گۆت:د به‌رهه‌مێ خوه یێ نوودا من سترانه‌ك ل گه‌ل سترانبێژا زارۆیا “رۆكه‌نێ” گۆتیه و ن ئه‌و سترانه كلیپ كریه و نوكه ل تیڤیان دهێته وه‌شاندن،هه‌روه‌سا من سترانه‌ك ل سه‌ر بووك و زاڤا یان ژى دڤى ئه‌لبوومێ دا چێكریه،هێشتا دبێژیت:ئه‌ز حه‌ز ژ هه‌موو جۆرێن سترانان دكه‌م،لێ پتر ده‌نگێ من دخوازته سترانێن فلكلۆرى،دیسا د چێكرنا به‌رهه‌مان دا من نه‌ڤێن په‌یڤ و ئاواز یێن من بن و ئه‌ز حه‌ز دكه‌م یێن هه‌لبه‌ستڤان و ئاوازدانه‌را بن،چونكى دێ په‌یڤ و ئاواز و هزرێن وان هێزه‌كا دیتر ده‌نه به‌رهه‌مێ من.
جه‌مالى ئه‌و چه‌ند ژى ئاشكراكر:هه‌ر چه‌نده هه‌تاكو نوكه چ تشتێن باش ل به‌ر ده‌ستێ من نینن وه‌كو هه‌لبه‌ست،لێ من دڤێت ئه‌ز سترانه‌كا دوقولى ل گه‌ل شه‌هریبانا كوردى بێژم،هه‌ر چه‌نده من ئه‌ڤ بابه‌ته ل گه‌ل وێ ژى به‌حس نه‌كریه،لێ ئه‌ڤه داخوازیا منه.
