حه‌ز دكه‌ت سترانه‌كێ ل گه‌ل رۆژدایێ بێژیت
ئه‌ڤرۆ نیۆز،زنار تۆڤى:
سترانبێژ رزگار عه‌بدولا د دیداره‌كێدا بۆ ئه‌ڤرۆ نیۆز دیاركر:كو ئه‌و ل سالا 2011 ل په‌یمانگه‌ها هونه‌رێن جوان دهوك/پشكا مۆزیكێ ده‌رچوویه و ئامیرێ عۆدێ ژى دژه‌نیت،هه‌روه‌سا نوكه وى سترانا خوه یا دویێ ب ناڤێ”بووك و زاڤا” كلیپكریه و ئه‌ڤه ماوێ چه‌ند رۆژانه ئه‌ڤ كلیپه ل ده‌زگه‌هێن میدیایى دهێته په‌خشكرن و هه‌روه‌سا به‌رى نوكه ژى وى سترانه‌ك ل سه‌ر پێشمه‌رگێن كوردستانێ كلیپ كریه،ئه‌و ژى گۆتیه:هه‌تاكو نوكه من هزر د هندێ دا نه‌كریه كو ئه‌ز په‌یڤان بۆ سترانێن بدانم،لێ بتنێ من هزر د هندێ دا كریه كو ئه‌ز ئاوازان بۆ سترانێن خوه بدانم.
رزگار هێشتا دبێژیت:هه‌تاكو نوكه من چ به‌رهه‌ڤى بۆ چێكرنا چ ئه‌لبۆمان نه‌كریه،ژبه‌ركو چێكرنا ئه‌لبۆمان مه‌زاختن و به‌رهه‌ڤیه‌كا باش بۆ دڤێت،له‌ورا هه‌تاكو مرۆڤ هه‌بوونا خوه باش دناڤ مه‌یدانا سترانگۆتنێ دا دیار دكه‌ت،ژنوو دڤێت مرۆڤ ئه‌لبۆما چێكه‌ت،هه‌روه‌سا نوكه بتنێ هزرا من ل سه‌ر چێكرنا سترانێن سینگل و كلیپانه.
ناڤهاتى ئه‌و ژى ئاشكراكر:كو حه‌زا من ئه‌وه ئه‌ز جاره‌كێ سترانه‌كا دوقولى ل گه‌ل سترانبێژ رۆژدایێ چێكه‌م،ژبه‌ركو ئه‌ز گه‌له‌ك حه‌ز ژ ستایلێ وێ دكه‌م،هه‌ر چه‌نده هه‌تاكو نوكه من رۆژدا نه دیتییه،لێ دخوازم جاره‌كێ ئه‌ڤ حه‌زا من بحه بهێت و ئه‌م سترانه‌كێ پێكڤه بێژین.
