حه‌ز دكه‌ت مۆزیكێ ل تاریێ ب ژه‌نیت
دهۆك، هه‌رهین محه‌مه‌د:
كاوار عسمه‌ت، لێده‌رێ ئامیرێ عودێ، د دیداره‌كێ دا بۆ رۆژناما ئه‌ڤرۆ گۆت: مۆزیك ئارامكه‌را ژیانا منه و چو جاران ژی من هزر نه‌كریه كو درێیا مۆزیكێ داهاته‌كی ب ده‌ست خوه‌ڤه بینم، یان دا پێ به‌رنیاس ببم، چنكو ئه‌و كارێ مرۆڤ دكه‌ت مرۆڤی به‌رنیاس دكه‌ت و گه‌له‌ك مۆزیكژن یێن بیانی و نافخوه هه‌نه ل دیدارا وان بم مۆزیكێ بژه‌نم وه‌كو ماموستا دلشاد محه‌مه‌د سه‌عید و سه‌باح زاخۆیی و گه‌له‌كێن دی.
كاواری گۆت: د سرۆشتێ من دا حه‌زژ رۆناهیێ ناكه‌م و حه‌ز ژتاریێ دكه‌م و من پێ خوشه ل تاریێ عۆدێ، یان پیانویێ بژه‌نم ئه‌ڤ ده‌مه بۆ من یێ تایبه‌ته و مه گه‌له‌ك مۆزیكژه‌ن هه‌نه ده‌رحه‌قێ مۆزیكێ ده‌ركه‌فتینه و بووینه جهێ شانازیێ بۆ مۆزیكا كوردی و یا سه‌رده‌م وه‌كو ماموستا دلشاد، د هه‌مان ده‌مدا مه مۆزیكژه‌ن هه‌نه، به‌لێ نه ل وی ئاستی نه كو مرۆڤ بێژینێ مۆزیكژه‌ن وان ژی ده‌ستپێكه‌ك هه‌یه و مرۆڤ نه‌شێت ده‌مه‌كێ كێم دا بیته مۆزیكژه‌ن، ئه‌ز ژبلی عۆدێ ئامیرێ سازێ و جۆمبشێ دژه‌نم و من گه‌له‌ك حه‌ز ل سه‌ر پیانۆیێ ژی هه‌یه و ل ده‌مێ بهێت دی َخوه فێری وێ ژی كه‌م، و هه‌موو ده‌مان من دڤێت گوهداریا مۆزیكا مۆزیكژه‌نێن نوو بكه‌م.
