حه‌ز دكه‌ت نوویاتیان د سترانێ دا بكه‌ت
خانكێ، دلڤین ره‌شید:
سترانبێژ زێدان خه‌له‌ف شنگاری، د دیداره‌كێ دا بۆ رۆژناما ئه‌ڤرۆ دیاركر كو دژیه‌كێ بچووك دا حه‌زا سترانگۆتنێ ل ده‌ف هه‌بوو، پشتی ده‌لیڤا خوه ل ده‌واتان دیتی ده‌ستپێكر و پشته‌ڤانێ سه‌ره‌كی با بێ وی بوو، ب گۆتنا وی ئه‌و پتر سترانێن ئه‌شق و ئه‌ڤینیێ دبێژیت چنكو ل ده‌واتان ئه‌و ژێ دهێته داخوازكرن.
ناڤبری گۆت: هه‌تا نوكه بتنێ من چار كلیپ هه‌نه، دو ل دۆر ئێخسیرێن ده‌ستێ داعشن، ئیك ژی ل دۆر چوونا گه‌نجێن ئێزدی یه بۆ ده‌رڤه‌ی وه‌لاتی، یا چارێ ژی ل دۆر قاره‌مانیا قاسم شه‌شۆیه، وه‌ك پرۆژه هنده‌ك سترانێن دی دێ هه‌بن و نوكه نه‌شێم بێ سترانگۆتن بژیم، له‌ورا دێ بزاڤێ كه‌م به‌رده‌وام ستران و كلیپێن باش چێكه‌م، هه‌روه‌سا حه‌ز دكه‌م نوویاتیان د سترانان دا بكه‌م.
ناڤبری، ل سالا 1997 ژدایكبوویه، خه‌لكێ گوندێ گوهبه‌ل سه‌ر ب قه‌زا شنگارێ ڤه، نوكه ئاواره‌یه ل كه‌مپا خانكێ، ل 2009 ده‌ست ب گۆتنا سترانان كریه، بابێ وی ژی سترانبێژه.
