حه‌ز دكه‌ت یاریێن كورده‌واری بكه‌ته چالنج
زاخۆ، عه‌لی حاجی:
موسا محسن، ئێك ژ یوتیۆبه‌رێن باژێرێ دهوكێ یه، د دیداره‌كێ دا بۆ رۆژناما ئه‌ڤرۆ دیاركر كو خه‌ونا وی بوو ژلایێ كۆمپانیا یوتیۆبی ڤه بهێته خه‌لاتكرن، و هه‌موو ده‌مان كار دكه‌ت دا ناڤێ كوردستانێ بلند بكه‌ت و هه‌تا نوكه پێنگاڤێن باش هاڤێتینه
زێده‌تر گۆت: ده‌مه‌كێ كێمه ب رێیا یوتیۆبی ده‌ست ب كاری كری یه ب تایبه‌تی ژی ل دۆر دروستكرنا چالێنجا و گه‌له‌ك جاران یاریێن كورده‌واری ژی تێكه‌ل دكه‌ین پێخه‌مه‌تی وێ چه‌ندێ ناڤێ كوردستانێ بلند بكه‌م و ژبه‌ركو ئه‌و مه‌زنترین تشته بۆ من و هه‌تا نوكه ژی من شیایه خه‌لاته‌كێ ژلایێ كۆمپانیا یوتیۆبی ڤه ب ده‌ست خوه‌ڤه بینم كو پشتی بینه‌رێ من گه‌هشتیه 100 هزار كه‌سان و دێ به‌رده‌وام ژی بم پێخه‌مه‌تی وێ چه‌ندێ ئه‌ز رێژه‌یا بینه‌رێن خوه زێده‌تر لێبكه‌م و هه‌تا راده‌كی ژی من پێنگاڤێن باش هاڤێتینه و
و ژلایێ خێزان و هه‌ڤالێن من پشته‌ڤانیه‌كا باش ل من دهێته كرن و ئه‌و چه‌نده ژی دبیته ئه‌گه‌ر زێده‌تر خوه ب وه‌ستینم و هه‌ر دیسان باشتره ژی یاریێن كورده‌واری زێده‌تر بهێنه نیشادان ب رێیا سۆشیال میدیایێ دا كو ببیته پێنگاڤه‌كا باش هه‌موو جیهان كلتۆرێ مه ببینیت
