حه‌ز ناكه‌ت ببیته سترانبێژه‌كێ مللی
ئه‌ڤرۆ، عه‌لی حاجی:
كارۆخ ئه‌مجه‌د، سترانبێژه‌كێ ده‌ڤه‌را سۆرانه، د دیداره‌كێ دا بۆ ئه‌ڤرۆنیوز دبێژیت: پشتی وه‌ستیانه‌كا زۆر، به‌ری چه‌ند رۆژان كار دچێكرنا كلیپا من یا دویێ دا ب دووماهی هات و ل رۆژێن بهێن دێ به‌لاڤكه‌م و من دڤێت د هه‌موو ستران و كلپێن خوه دا پشتبه‌ستنێ ل سه‌رخوه بكه‌م.
ناڤهاتی گۆت: ده‌ستپێكا من یا سترانگۆتنێ بۆ سالا 2012 ڤه‌دگه‌ڕیت، و پشته‌ڤانێ هه‌ره سه‌ره‌كی ژی بابێ من بوو، چونكو ئه‌و ژی مۆزیكژه‌نه و بۆ گه‌له‌ك هونه‌رمه‌ندێن ناڤدار مۆزیكا ژه‌نی، هه‌روه‌سا هه‌موو ئه‌ندامێن مالێ ئه‌ز هاندام كو ده‌ست ب مۆزیكێ بكه‌م و نوكه ب كارێ خوه یێ سه‌ربلندم، بۆ زانین به‌ری نوكه من كلیپه‌ك چێكربوو ئه‌و ژی چیرۆكا كه‌سه‌كێ نێزیكی من بوو، كلیپا دویێ ژی من ل ئیرانێ وێنه‌كریه، ژ ده‌رهێنانا (محه‌مه‌د باس)
ل دووماهیێ گۆت: دبه‌رهه‌مێن خوه دا من دڤێت پشتبه‌ستنێ ل سه‌ر خوه بكه‌م و هه‌تا نوكه خه‌رجیێن سترانێن منن ژ به‌ریكا من بووینه، و من ل به‌ره د ئه‌ڤ ساله دا سێ كلپێن دی چێكه‌م، و حه‌زناكه‌م ببمه سترانبێژه‌كێ مللی.
