حه‌ز ناكه‌ت ناڤه‌رۆكا به‌رنامێ خوه ئاشكرا كه‌ت
دهۆك، شاهۆ فه‌رید:
هێلان چه‌لكی، كچه‌كا خه‌لكا دهۆكێ یه، ب رێیا ئاماده‌كرن و پێشكێشكرنا ئاهه‌نگێن قوتابخانێ حه‌زا كاركرنێ د بۆارێ راگه‌هاندنێ ل ده‌ف په‌یدابوویه، پشتی بۆرینا ده‌مه‌كی پێشكێشكاری بۆ هنده‌ك ئاهه‌نگ و كونسێرتێن ده‌رڤه‌ی قوتابخانێ كریه، ژوانا ئاهه‌نگه‌كه‌كا جه‌ژنا نه‌ورۆزێ، هه‌روه‌سا ئاهه‌نگه‌ك بۆ برایێن ئێزدی و نوكه یا به‌رهه‌ڤیان دكه‌ت دا به‌رنامه‌كی ل سه‌ر شاشا ته‌له‌فزیۆنێ پێشكێش بكه‌ت.
هێلانێ بۆ ئه‌ڤرۆ گۆت: من نه‌ڤێت نوكه ناڤه‌رۆكا به‌رنامێ خوه ئاشكرا كه‌م، بلا ئه‌و بمینیت سۆپرایز، لێ بتنێ دێ بێژم دێ به‌رنامه‌كێ جڤاكی یێ خۆش بیت و بینه‌ر دێ مفای ژێ بینن، هه‌روه‌سا وه‌كو كچه‌كا خه‌لكا ده‌ڤه‌رێ من گه‌له‌ك خه‌ون هه‌نه، ئێك ژوان كاركرن وه‌ك پێشكێشكار ل كه‌ناله‌كێ راگه‌هاندنێ و بۆ ڤی كاری خوشكا من هه‌روه‌سا مامێ من هه‌لبه‌ستڤان (ئه‌دیب چه‌لكی) گه‌له‌ك پشته‌ڤانیێ ل من دكه‌ن، له‌ورا ئه‌ز هه‌رده‌م دبێژمه كچ و ژنان ده‌مێ ته هیڤیه‌ك هه‌بیت ده‌ستان ژێ نه‌به‌رده و به‌رده‌وام بۆ كاربكه چنكو دێ هه‌ر رۆژه‌ك هێت ب هیڤیێن خوه شادببی.
