حه‌سه‌ن عارف: گه‌ڕا نه‌هێ‌ یا فلمه‌ فیسته‌ڤالا دهۆك یا نێڤده‌وله‌تی دێ‌ ب...

حه‌سه‌ن عارف: گه‌ڕا نه‌هێ‌ یا فلمه‌ فیسته‌ڤالا دهۆك یا نێڤده‌وله‌تی دێ‌ ب نیشادانا فلمێ‌ (بیكا بارانێ‌) هێته‌ ڤه‌كرن

9

ئه‌ڤرۆ، رێوار محه‌مه‌د ره‌شید:

حه‌سه‌ن عارف، به‌رپرسێ‌ ڕاگه‌هاندنێ‌ ل گه‌ڕا نه‌هێ‌ یا فلمه‌ فیسته‌ڤالا دهۆك یا نێڤده‌وله‌تی دیار كر كو ژ سه‌رجه‌مێ‌ 570 فلمێن بۆ وان هاتینه‌ هنارتن بتنێ‌ 98 فلم بۆ گه‌ڕا نه‌هێ‌ یا فلمه‌ فیسته‌ڤالا دهۆك یا نێڤده‌وله‌تی هاتینه‌ هه‌لبژارتن ژ وان 51 فلمێن كوردی نه‌ و 47 فلمێن بیانی نه‌ و ژ سه‌رجه‌مێ‌ فلمێن هاتینه‌ هه‌لبژارتن 55 فلم د به‌ریكانێ‌ دانه‌ كو ژ وان 27 فلمێن كوردی نه‌ و 28 فلمێن بیانی نه‌ و گۆت: “گه‌ڕا نه‌هێ‌ یا فلمه‌ فیسته‌ڤالا دهۆك یا نێڤده‌وله‌تی دێ‌ ب نیشادانا فلمێ‌ (بیكا بارانێ‌) یێ‌ ژ ده‌رهێنانا ده‌رهێنه‌رێ‌ كورد (حسێن حه‌سه‌ن) هێته‌ ڤه‌كرن كو ئه‌ڤ فلمه‌ بۆ جارا ئێكێ‌ یه‌ ل سه‌ر ئاستێ‌ جیهانێ‌ دێ‌ ل فلمه‌ فیسته‌ڤالا دهۆك یا نێڤده‌وله‌تی هێته‌ نیشادان”.

ناڤهاتی خویا كر كو د گه‌ڕا نه‌هێ‌ یا فلمه‌ فیسته‌ڤالا دهۆك یا نێڤده‌وله‌تی دا 20 ژووری د پشكدارن و ل سه‌ر پێنج پشكان هاتینه‌ به‌لاڤكرن ژ وان پشكان (فلمێن بیانی یێن درێژ، فلمێن كوردی یێن درێژ، دیكیۆمێنتاری، كورته‌ فلمه‌، فیبرێسكێ‌).

هه‌ژی گۆتنێ‌ یه‌ كو گه‌ڕا نه‌هێ‌ یا فلمه‌ فیسته‌ڤالا دهۆك یا نێڤده‌وله‌تی دێ‌ ل رۆژا 1/12/2022 هێته‌ ڤه‌كرن و هه‌تا رۆژا 8/12/2022 دێ‌ یا به‌رده‌وام بیت.

کۆمێنتا تە