حه‌شد شه‌عبى كه‌فته‌ كه‌مینه‌كا چه‌كدارێن نه‌ناسیار

ئه‌ڤرۆ نیوز ، نه‌وزاد هلۆرى:

ده‌مه‌ك به‌ریا نها لسه‌ر رێیا گشتى دناڤبه‌را كه‌ركوك و سلێمانیێ ل نێزیك بازگه‌ها قه‌ره‌هنجیر هێزه‌كا حه‌شد شعبى كه‌فته‌ كه‌مینه‌كا چه‌كدارێن نه‌ناسیار و هژماره‌كا چه‌كدارێن وان هاتینه‌ كوشتن و برینداركرن. ل گوره‌ى ئه‌وان زانیاریێن كو ئه‌ڤرۆ نیوز ده‌ستخوڤه‌ ئینایى شه‌ر و په‌ڤچوون ل نێزیك بازگه‌ها قه‌ره‌هنجیر درۆستبوویه‌ ده‌ما كو هێزێن حه‌شد خواست كو لده‌ردورێن بازگه‌ها قه‌ره‌هه‌نجیر ب هه‌مه‌ره‌كێ هاتن و چونێ بكه‌ن.

ژێده‌رێن ناڤا كه‌ركوكێ دیار دكه‌ن كو هژماره‌كا زور یا كوشتى و برینداران گه‌هشتینه‌ ناڤا نه‌خوشخانا ته‌نگاڤیان و نه‌خوشخانا ئازادى ل كه‌ركوك بو چاره‌سه‌ركرنا بریندارێن حه‌شد شه‌عبى ، بێى كو ئاماژه‌ ب هژمارا كوشتى و برینداران بكه‌ت.

د نهادا بو ئاسایكرنا بارودوخێ ده‌ڤه‌رێ و رێگرتن ل شه‌ر و ئالوزیێن زێده‌تر رێیا سه‌ره‌كى یا كه‌ركوك بو سلێمانیێ هاته‌گرتن و هاتن و چوون تێدا ناهێته‌كرن.

کۆمێنتا تە